ທ່ານ ທຣໍາ ເຈລະຈາໂດຍກົງກັບທ່ານ ປູຕິນ ຊີ້ຣັດເຊຍ ແລະ ອູແກຣນຈະເລີ່ມຕົ້ນເຈລະຈາຢຸດຍິງ ແລະ ຢຸດສົງຄາມທັນທີ
ປະທານາທິບໍດີ ໂດນັລ ທຣໍາ ຂອງອາເມລິກາ ໂພສຂໍ້ຄວາມຜ່ານ Truth Social ວັນທີ 19 ພຶດສະພາ ປະກາດວ່າໄດ້ໂທລະສັບເຈລະຈາກັບປະທານາທິບໍດີ ວະລາດິເມຍ ປູຕິນ ຂອງຣັດເຊຍ ເປັນເວລາກວ່າ 2 ຊົ່ວໂມງ ແລະ ຊີ້ວ່າຣັດເຊຍ ແລະ ອູແກຣນຈະເລີ່ມຕົ້ນການເຈລະຈາຢຸດຍິງ ແລະ ຢຸດສົງຄາມໃນທັນທີ.
ໂດຍທ່ານຍັງກ່າວວ່າ: ໄດ້ແຈ້ງເລື່ອງການເຈລະຈາຢຸດຍິງດັ່ງກ່າວເຖິງປະທານາທິບໍດີ ໂວໂລດິເມຍ ເຊເລນສກີ ຂອງອູແກຣນ ລວມທັງຜູ້ນໍາສະຫະພາບເອີຣົບ, ຝຣັ່ງ, ອິຕາລີ, ເຢຍລະມັນ ແລະ ແຟງລັງແລ້ວ ໃນລະຫວ່າງກອງປະຊຸມສາຍຫລັງຈາກຫາລືກັບທ່ານ ປູຕິນ.
ປະກາດຂອງທ່ານ ທຣໍາ ມີຂຶ້ນຫລັງຈາກຜູ້ແທນລະດັບສູງຂອງຣັດເຊຍ ແລະ ອູແກຣນຮ່ວມເຈລະຈາຢູ່ນະຄອນອິສຕັນບູລຂອງຕວກກີໃນຕົ້ນອາທິດຜ່ານມາ ເຊິ່ງຝ່າຍອູແກຣນກ່າວວ່າ: ຣັດເຊຍໄດ້ຍື່ນເງື່ອນໄຂໃໝ່ທີ່ບໍ່ສາມາດຍອມຮັບໄດ້ ເພື່ອແລກກັບການບັນລຸຂໍ້ຕົກລົງຢຸດຍິງ ເຊິ່ງລວມທັງການໃຫ້ອູແກຣນຖອນທະຫານອອກຈາກດິນແດນສ່ວນຫລາຍທີ່ຣັດເຊຍຍຶດຄອງ.
ອ້າງອີງ:
- https://www.channelnewsasia.com/world/trump-putin-call-russia-ukraine-war-ceasefire-zelenskyy-5140231
- https://www.bbc.com/news/articles/ce824m5849po
- https://edition.cnn.com/2025/05/19/europe/analysis-putin-trump-phone-call-ukraine-latam-intl
