ກະຊວງ ປກສ ປະກາດເລື່ອນຊັ້ນນາຍຕຳຫລວດຂຶ້ນເປັນພົນຈັດຕະວາ 7 ສະຫາຍ ແລະ ພັນເອກ 53 ສະຫາຍ

ວາລະສານ ປ້ອງກັນຄວາມສະຫງົບລາຍງານວ່າ: ວັນທີ 8 ເມສາ 2025 ກະຊວງປ້ອງກັນຄວາມສະຫງົບ ປະກາດເລື່ອນຊັ້ນໃຫ້ນາຍຕຳຫຼວດຂັ້ນສູງ ໂດຍການເປັນປະທານຂອງ ພົນເອກ ວິໄລ ຫຼ້າຄຳຟອງ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ, ມີຮອງລັດຖະມົນຕີກະຊວງ ປກສ ແລະ ພາກສ່ວນກ່ຽວຂ້ອງເຂົ້າຮ່ວມ.

ລັດຖະດຳລັດ ຂອງປະເທດປະເທດ ເລກທີ 038-044/ປປທ, ລົງວັນທີ 2 ເມສາ 2025 ວ່າດ້ວຍການເລື່ອນຊັ້ນນາຍຕຳຫລວດ ຊັ້ນພັນເອກ ຂຶ້ນຊັ້ນ ພົນຈັດຕະວາ 7 ສະຫາຍ, ໃນນີ້ ມີ:

1. ພົນຈັດຕະວາ ກີ້ ຈັນທະວົງສາ ຮອງຫົວໜ້າຫ້ອງວ່າການກະຊວງປ້ອງກັນຄວາມສະຫງົບ.
2. ພົນຈັດຕະວາ ແສງທອງ ເກື້ອບຸນລໍ້າ ຮອງຫົວໜ້າຫ້ອງວ່າການກະຊວງ ປກສ.
3. ພົນຈັດຕະວາ ສາລີ ພຸດທະວົງ ຮອງຫົວໜ້າກົມໃຫຍ່ຕຳຫລວດ.
4. ພົນຈັດຕະວາ ສູນທອນ ລາດຊະສົມບັດ ຮອງຫົວໜ້າກົມໃຫຍ່ພະລາທິການ.
5. ພົນຈັດຕະວາ ຄຳແຝງ ວັນດີໄຊ ຫົວໜ້າກົມຄົ້ນຄ້ວາວິທະຍາສາດ ແລະ ປະຫວັດສາດ.
6. ພົນຈັດຕະວາ ຈັນທອນ ແກ້ວມະນີວົງ ຫົວໜ້າກອງບັນຊາການປ້ອງກັນທີ່ຕັ້ງ.
7. ພົນຈັດຕະວາ ສຸກນິລັນດອນ ກຸນລະວົງ ຫົວໜ້າອໍານວຍການວິທະຍາຄານການເມືອງ ປກສ.

ນອກນັ້ນ, ຍັງໄດ້ ເລື່ອນຊັ້ນ ພັນເອກ ໃຫ້ນາຍຕຳຫລວດ 53 ສະຫາຍ, ຍິງ 2 ສະຫາຍ.

ທີ່ມາ: ວາລະສານ ປ້ອງກັນຄວາມສະຫງົບ