ເຈົ້າໜ້າທີ່ອິດສະລາແອນເດີນທາງໄປນະຄອນຫລວງໄຄໂຣ ເຈລະຈາຢຸດຍິງໄລຍະທີ 2
February 28, 2025 - 11:19 AM
ທໍານຽບນາຍົກລັດຖະມົນຕີອິດສະລາແອນຖະແຫລງວ່າ: ຄະນະເຈົ້າໜ້າທີ່ອິດສະລາແອນໄດ້ເດີນທາງໄປນະຄອນຫລວງໄຄໂຣໃນວັນທີ 27 ກຸມພານີ້ ເພື່ອເຈລະຈາຂໍ້ຕົກລົງຢຸດຍິງໄລຍະທີ 2 ຢູ່ເຂດກາຊາ.
ຖະແຫລງການດັ່ງກ່າວມີຂຶ້ນ ພາຍຫລັງອິດສະລາແອນ ແລະ ກຸ່ມຮາມັດສໍາເລັດການແລກປ່ຽນຕົວປະກັນອິດສະລາແອນກັບນັກໂທດປາແລັສຕິນໃນວັນທີ 27 ກຸມພາ ເຊິ່ງເປັນການແລກປ່ຽນຕົວປະກັນ ແລະ ນັກໂທດຊຸດສຸດທ້າຍຕາມຂໍ້ຕົກລົງຢຸດຍິງໄລຍະທີ 1.
ທັງນີ້, ຂໍ້ຕົກລົງຢຸດຍິງໄລຍະທີ 1 ເຊິ່ງມີອາຍຸ 42 ວັນ ຈະສິ້ນສຸດໃນວັນທີ 1 ມີນານີ້.
