ສະພາຫວຽດນາມອະນຸມັດແຜນສ້າງລົດໄຟເຊື່ອມຈີນ 8,000 ລ້ານໂດລາ
February 19, 2025 - 2:27 PM
ສະພາແຫ່ງຊາດຫວຽດນາມອະນຸມັດແຜນສ້າງທາງລົດໄຟມູນຄ່າ 8,000 ລ້ານໂດລາສະຫະລັດ ເພື່ອເຊື່ອມລະຫວ່າງເມືອງທ່າທາງເໜືອໃຫຍ່ທີ່ສຸດຂອງປະເທດ ແລະ ຊາຍແດນຂອງປະເທດຈີນ.
ລະຫວ່າງກອງປະຊຸມສະພາແຫ່ງຊາດຫວຽດນາມ ໃນວັນທີ 19 ກຸມພາ ໂຄງການກໍ່ສ້າງທາງລົດໄຟຫວຽດນາມ-ຈີນ ໄດ້ຮັບການສະໜັບສະໜູນຈາກສະມາຊິກສະພາສູງເຖິງ 95% ໃນການລົງຄະແນນສຽງ.
ເສັ້ນທາງລົດໄຟສາຍໃໝ່ເຊິ່ງມີໄລຍະທາງ 390 ກິໂລແມັດ ຈະເຊື່ອມຕໍ່ເມືອງຮາຍຟອງ ທາງພາກເໜືອຂອງປະເທດ ເຂົ້າກັບແຂວງລາຍກາຍ ຢູ່ທາງຕາເວັນຕົກສຽງເໜືອຂອງຫວຽດນາມ ເຊິ່ງຢູ່ຕິດກັບມົນທົນຢູນໜານ ທາງຕາເວັນຕົກສຽງໃຕ້ຂອງຈີນ ແລະ ຈະແລ່ນຜ່ານນະຄອນຫລວງຮ່າໂນ້ຍ.
ທັງນີ້, ຈີນຈະຈັດຫາເງິນທຶນບາງສ່ວນຜ່ານເງິນກູ້ສໍາລັບໂຄງການ ແລະ ຄາດວ່າຈະໃຊ້ງົບປະມານຫລາຍກວ່າ 8,000 ລ້ານໂດລາສະຫະລັດ.
