ອັຟການິສຖານ ປະສົບກັບຝົນຕົກໜັກໃນຫລາຍແຂວງ ພົບຜູ້ເສຍຊີວິດ 50 ຄົນ
May 19, 2024 - 3:00 PM
ສຳນັກຂ່າວຕ່າງປະເທດລາຍງານ ວັນທີ 18 ພຶດສະພາ 2024 ວ່າ: ອັຟການິສຖານ ປະສົບກັບຝົນຕົກໜັກໃນຫລາຍແຂວງ. ຫລ້າສຸດໄດ້ພົບຜູ້ເສຍຊີວິດ50 ຄົນຢູ່ແຂວງກໍ. ໃນຂະນະທີ່ພະຍາກອນອາກາດເຕືອນວ່າ ຝົນຈະຕົກຕື່ມອີກ.
ເຈົ້າໜ້າທີ່ອັຟການິສຖານ ກ່າວວ່າ: ຝົນຕົກໜັກໃນແຂວງກໍ ຕອນກາງຂອງປະເທດ ສົ່ງຜົນໃຫ້ເກີດນໍ້າຖ້ວມກະທັນຫັນ. ສ້າງຄວາມເສຍຫາຍແກ່ອາຄານຫລາຍກວ່າ 2.000 ຫລັງ ແລະ ໄດ້ເຮັດໃຫ້ຄົນເສຍຊີວິດ ຢ່າງໜ້ອຍ 50 ຄົນ ແລະສັດລ້ຽງເປັນພັນໆໂຕໄດ້ເສຍຊີວິດ.
