ປະທານປະເທດ ຊຸກຍູ້ຊ່ວຍເຫລືອໂຮງຮຽນປະຖົມ-ມັດທະຍົມ ບ້ານຫລັກ 28 ເມືອງປາກຊ່ອງ ລວມມູນຄ່າ 100 ລ້ານກີບ
February 25, 2024 - 4:27 PM
ວັນທີ 23 ກຸມພາ 2024, ທ່ານ ທອງລຸນ ສີສຸລິດ ປະທານປະເທດ ພ້ອມພັນລະຍາ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງປາກຊ່ອງ ແຂວງຈຳປາສັກ, ເຊິ່ງການເຄື່ອນໄຫວຢ້ຽມຢາມ ແລະ ມອບເຄື່ອງຊ່ວຍເຫລືອ ປະເພດອຸປະກອນການສຶກສາ ແລະ ກິລາມູນຄ່າ 30 ລ້ານກີບ ພ້ອມດ້ວຍ ເງິນສົດ 70 ລ້ານກີບ ລວມເປັນ 100 ລ້ານກີບ ໃຫ້ແກ່ໂຮງຮຽນປະຖົມ- ມັດທະຍົມ ບ້ານຫລັກ 28 ເມືອງປາກຊ່ອງ.
ການເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງປາກຊ່ອງ ຄັ້ງນີ້ເປັນການສະແດງເຖິງຄວາມເປັນຫ່ວງເປັນໄຍ, ການຊຸກຍູ້, ນໍາພາ-ຊີ້ນຳ ແລະ ໃຫ້ກຳລັງໃຈແກ່ຄະນະພັກ-ອົງການປົກຄອງແຂວງ, ເມືອງປາກຊ່ອງ ແລະ ຂະແໜງການຕ່າງໆ ໃນການປະຕິບັດແຜນພັດທະນາເສດຖະກິ -ສັງຄົມ ເພື່ອເຮັດໃຫ້ເສດຖະກິດ ແລະ ຊີວິດການເປັນຢູ່ຂອງປະຊາຊົນໃຫ້ນັບມື້ດີຂຶ້ນເລື້ອຍໆ.
