ໄລຍະສົ່ງທ້າຍປີເກົ່າ ຕ້ອນຮັບປີໃໝ່ 2024 ທົ່ວປະເທດ ມີອຸບັດເຫດ ເກີດຂຶ້ນ 148 ລາຍ ເສຍຊິວິດ 21 ຄົນ
January 3, 2024 - 3:48 PM
ໄລຍະສະເຫລີມສະຫລອງ ສົ່ງທ້າຍປີເກົ່າ 2023 ຕ້ອນຮັບປີໃໝ່ 2024 ນັບແຕ່ວັນທີ 29 ທັນວາ 2023 ຫາວັນທີ 2 ມັງກອນ 2024 ທົ່ວປະເທດ ມີອຸບັດເຫດເກີດຂຶ້ນທັງໝົດ 148 ລາຍ, ເສຍຊິວິດ 21 ຄົນ, ໄດ້ຮັບບາດເຈັບ 227 ຄົນ, ທຽບໃສ່ໄລຍະດຽວກັນຂອງປີຜ່ານມາ ອຸບັດເຫດ ຫລຸດຫລົງ 42 ລາຍ, ເສຍຊິວິດຫລຸດລົງ 5 ຄົນ.
ວັນທີ 3 ມັງກອນ 2024 ນີ້ ທ່ານ ພັນໂທ ແກ້ວມາລາ ແສງທອງ ຮອງຫົວໜ້າກົມຕໍາຫລວດຈະລາຈອນ ໄດ້ລາຍງານວ່າ: ແຂວງທີ່ມີອຸບັດເຫດເກີດຂຶ້ນຫລາຍກວ່າໝູ່ຄື:
ນະຄອນຫລວງວຽງຈັນ ອຸບັດເຫດເກີດ 18 ລາຍ, ເສຍຊິວິດ 6 ຄົນ.
ແຂວງ ຈຳປາສັກ 17 ລາຍ, ບໍ່ມີຜູ້ເສຍຊິວິດ.
ແຂວງ ວຽງຈັນ 16 ລາຍ, ເສຍຊິວິດ 3 ຄົນ.
ແຂວງ ສະຫວັນນະເຂດ 13 ລາຍ, ບໍ່ມີຜູ້ເສຍຊີວິດ.
ແຂວງ ຄຳມ່ວນ 11 ລາຍ, ເສຍຊິວິດ 3 ຄົນ.
ແຂວງ ອັດຕະປື 10 ລາຍ, ເສຍຊີວິດ1 ຄົນ.
ແຂວງ ບໍລິຄຳໄຊ 10 ລາຍ, ເສຍຊີວິດ 2 ຄົນ.
ແຂວງ ຫລວງພະບາງ 10 ລາຍ, ບໍ່ມີຜູ້ເສຍຊີວິດ.
ແຂວງ ຫລວງນ້ຳທາ 8 ລາຍ, ເສຍຊີວິດ 2 ຄົນ.
ແຂວງ ຫົວພັນ 7 ລາຍ, ບໍ່ມີຜູ້ເສຍຊີວິດ.
ແຂວງ ສາລະວັນ 6 ລາຍ, ບໍ່ມີຜູ້ເສຍຊີວິດ.
ແຂວງ ບໍ່ແກ້ວ 5 ລາຍ, ບໍ່ມີຜູ້ເສຍຊີວິດ.
ແຂວງ ຊຽງຂວາງ 4 ລາຍ, ເສຍຊີວິດ 1 ຄົນ.
ແຂວງ ຜົ້ງສາລີ 4 ລາຍ, ເສຍຊີວິດ 1 ຄົນ.
ແຂວງ ໄຊຍະບູລີ 4 ລາຍ, ເສຍຊີວິດ 1 ຄົນ.
ແຂວງ ເຊກອງ 3 ລາຍ, ບໍ່ມີຜູ້ເສຍຊີວິດ.
ແຂວງ ໄຊສົມບູນ 1 ລາຍ, ບໍ່ມີຜູ້ເສຍຊີວິດ.
ແຂວງ ອຸດົມໄຊ 1 ລາຍ ບໍ່ມີຜູ້ເສຍຊີວິດ.
ສຳລັບ ສາເຫດທີ່ພາໃຫ້ເກີດອຸບັດເຫດ ຍ້ອນຜູ້ຂັບຂີ່ບໍ່ປະຕິບັດຕາມກົດລະບຽບຈະລາຈອນວາງອອກຢ່າງເຄັ່ງຄັດ ເປັນຕົ້ນ ດື່ມສິ່ງມຶນເມົາແລ້ວຂັບລົດ, ຂັບລົດໄວເກີນກຳນົດ, ປ່ຽນທິດທາງກະທັນຫັນ, ແຊງບໍ່ຮັບປະກັນ, ບໍ່ຮັກສາໄລຍະຫ່າງ ແລະ ອື່ນໆ.
