ປກສ ແຂວງຫລວງນ້ຳທາ ແຈ້ງຫ້າມຈູດໝາກກະໂພກ, ຈູດພຸ ຫລື ດອກໄມ້ໄຟ ທີ່ສົ່ງສຽງເນືອງນັ່ນສ້າງຄວາມບໍ່ສະຫງົບຢ່າງເດັດຂາດ
December 28, 2023 - 1:59 PM
ວັນທີ 25 ທັນວາ 2023, ປກສ ແຂວງຫລວງນ້ຳທາ ໄດ້ອອກແຈ້ງການ ຫ້າມບໍ່ໃຫ້ນຳເຂົ້າ, ຈຳໜ່າຍ, ຈູດໝາກກະໂພກ, ຈູດພຸ ຫລື ດອກໄມ້ໄຟ ແລະ ອື່ນໆ ທີ່ສົ່ງສຽງເນືອງນັນ ແລະ ສ້າງຄວາມບໍ່ສະຫງົບໃນສັງຄົມຢ່າງເດັດຂາດ, ເພື່ອເຮັດໃຫ້ການສະເຫລີມສະຫລອງປີໃໝ່ສາກົນ, ຂອງປະຊາຊົນລາວບັນດາເຜົ່າ ແລະ ພົນລະເມືອງຕ່າງປະເທດທີ່ມາອາໃສຢູ່ ແຂວງຫລວງນໍ້າທາ ໃຫ້ມີບັນຍາກາດມ່ວນຊືນ, ພ້ອມທັງຮັກສາໄດ້ຮີດຄອງປະເພນີ, ຄວາມເປັນລະບຽບຮຽບຮ້ອຍ ແລະ ປອດໄພຮອບດ້ານຂອງສັງຄົມ, ຖ້າຫາກພົບເຫັນມີການລະເມີດຈະໄດ້ສຶກສາອົບຮົມ-ກ່າວເຕືອນ, ຖ້າຫາກຮ້າຍແຮງແມ່ນຈະຖືກດໍາເນີນຄະດີຕາມລະບຽບ-ກົດໝາຍ.
ດັ່ງນັ້ນ, ຈຶ່ງແຈ້ງມາຍັງທຸກພາກສ່ວນ ເພື່ອຊາບ ແລະ ພ້ອມກັນປະຕິບັດຕາມແຈ້ງການສະບັບນີ້ຢ່າງເຂັ້ມງວດ.
