“ເດ ເຄອາ” ມີລຸ້ນໄດ້ຮ່ວມງານ “ໂຣນັລໂດ້” ອີກຄັ້ງ ຫລັງສື່ເຜີຍຂ່າວ ອັລ ນາສເຊີ ທີມດັງຊາອຸສົນໃຈດຶງມາເຝົ້າເສົາ
ດາວິດ ເດ ເຄອາ ຜູ້ຮັກສາປະຕູຊາວສະເປນ ມີຄວາມມເປັນໄປໄດ້ທີ່ຈະກັບມາຮ່ວມງານກັບ ຄຣິສເຕຍໂນ້ ໂຣນັລໂດ້ ທີ່ສະໂມສອນ ອັລ ນາສເຊີ ໃນລີກ ຊາອຸດີ ອາຣາເບຍ ຫລັງຈາກ ເຣອັລ ມາດຣິດ ເມີນເສີຍທີ່ຈະເຊັນສັນຍາກັບນັກເຕະໃນຊຳເມີ້ນີ້.
ທັບ “ລາຊາຊຸດຂາວ” ຕ້ອງຊອກຫານັກຮັບຄົນໃໝ່ມາແທນທີ່ ຕີໂບ ຄຣຸຕົວ ທີ່ບາດເຈັບສາຫັດຈົນຕ້ອງພັກຍາວ. ໂດຍໃນເບື້ອງຕົ້ນມີລາຍງານວ່າເຂົາເຈົ້າໝາຍຕາ ເດ ເຄອາ ທີ່ຍັງເປັນນັກເຕະບໍ່ມີສັງກັດຫລັງຈາກທີ່ໝົດສັນຍາຂອງເຂົາກັບ ແມນເຊັສເຕີ ຢູໄນເຕັດ ມາເສີມທີມໃນສັນຍາຢືມຕົວ 1 ປີໂດຍບໍ່ມີທາງເລືອກໃນການຊື້ຂາດ.
ຢ່າງໃດກໍ່ຕາມ, ເດ ເຄອາ ຍັງຄົງເນື້ອຫອມເພາະມີຄວາມສົນໃຈຈາກສະໂມສອນ La Liga ຈໍານວນຫນຶ່ງທີ່ສະແດງຄວາມສົນໃຈໃຊ້ບໍລິການຂອງລາວ. ແຕ່ດ້ວຍຄ່າຈ້າງທີ່ຂ້ອນຂ້າງສູງ, ມັນຈື່ງເປັນຂໍ້ຈໍາກັດທີ່ທີມໃນລີກບ້ານເກີດຂອງພວກເຂົາສາມາດຈ່າຍເງິນໃຫ້ກັບເຂົາໄດ້.
ຫລ້າສຸດ “ມາກ້າ” ສື່ຊື່ດັງຂອງສະເປນຕີຂ່າວວ່າ ອັລ ນາສເຊີ ສົນໃຈຕົວ ເດ ເຄອາ ເຊິ່ງຖ້າເປັນຈິງໝາຍຄວາມວ່າຜູ້ຮັກສາປະຕູໄວ 32 ປີ ຈະກັບມາຮ່ວມງານກັບ ໂຣນັລໂດ້ ອີກຄັ້ງ ຫລັງຈາກທີ່ທັງສອງໄດ້ຫລິ້ນຮ່ວມກັນເປັນເວລາ 15 ເດືອນ. ເມື່ອ “CR7” ຫວນກັບຄືນໄປຄ້າແຂ້ງທີ່ Old Trafford ເປັນຮອບທີສອງ.
