ເກີດເຫດ ດິນເຈື່ອນຢູ່ອິນເດຍ ມີຜູ້ເສຍຊີວິດ-ສູນຫາຍເກືອບ 60 ຄົນ
July 21, 2023 - 1:32 PM
ສຳນັກຂ່າວຕ່າງປະເທດລາຍງານ: ວັນທີ 20 ກໍລະກົດ 2023, ເກີດເຫດດິນເຈື່ອນ ໄຫລລົງທັບເຮືອນປະຊາຊົນແຫ່ງໜຶ່ງ ທາງຕາເວັນຕົກຂອງປະເທດ ຫລັງຈາກ ຝົນຕົກຢ່າງໜັກຫລາຍວັນ ເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 16 ຄົນ ແລະ ມີຜູ້ສູນຫາຍ ເກືອບ 50 ຄົນ ເນື່ອງຈາກ ເປັນເຂດທີ່ມີປະຊາຊົນອາໄສຢູ່ ຫລາຍກວ່າ 200 ຄົນ. ຂະນະນີ້ ປະຊາຊົນ ໄດ້ຮັບການຊ່ວຍເຫລືອ 70 ຄົນແລ້ວ ໃນນີ້ 21 ຄົນ ບາດເຈັບໜັກ. ປັດຈຸບັນ ເຈົ້າໜ້າທີ່ກູ້ໄພ ພວມເຮັດວຽກຜ່ານສາຍຝົນ ໃນເຂດບ້ານ ຫ່າງໄກ ສອກຫລີກ ເທິງເນີນພູ ທີ່ມີປ່າໄມ້ ຢ່າງໜາແໜ້ນ ແລະ ປະຊາຊົນ ພວມຊ່ວຍກັນ ຂຸດດິນອອກ ຕາມຊາກຫັກພັງ ເພື່ອຊອກຫາຜູ້ລອດຊີວິດ ຢ່າງຮີບດ່ວນ.
