ກຳປູເຈຍ ເລີ່ມລົງມືກໍ່ສ້າງທາງດ່ວນ ສາຍທີ 2 ເຊິ່ງມີຄວາມຍາວ ປະມານ 135 ກິໂລແມັດ
June 10, 2023 - 10:54 AM
ສຳນັກຂ່າວຕ່າງປະເທດລາຍງານ: ໂຄງການກໍ່ສ້າງທາງດ່ວນ ຈາກນະຄອນຫລວງພະນົມເປັນ ຫາເມືອງບາເວັດ ແຂວງສະວາຍລຽງ ຂອງກຳປູເຈຍ ເລີ່ມລົງມືກໍ່ສ້າງຢູ່ແຂວງການດານ ໂດຍມີ ທ່ານ ຮຸນເຊັນ, ນາຍົກລັດຖະມົນຕີ ກຳປູເຈຍ ແລະ ພາກສ່ວນ ທີ່ກ່ຽວຂ້ອງ ເຂົ້າຮ່ວມ ພິທີເປີດໂຄງການ ໃນຄັ້ງນີ້ ໂດຍການລົງທຶນ ກໍ່ສ້າງ ຂອງບໍລິສັດ ຈຳກັດ ໂຄງການທາງ ແລະ ຂົວຈີນ ຈຳກັດ, ຊຶ່ງແມ່ນທາງດ່ວນ ສາຍທີ 2 ຂອງກຳປູເຈຍ, ທີ່ມີຄວາມຍາວ ປະມານ 135 ກິໂລແມັດ, ຕົ້ນທາງແມ່ນເລີ່ມຈາກ ເສັ້ນທາງວົງແຫວນ ທີ 3 ຂອງນະຄອນຫລວງ ພະນົມເປັນ, ຜ່ານແຂວງ ການດານ ແລະ ແຂວງເປຣວຽງ, ສ່ວນປາຍທາງ ແມ່ນເມືອງ ບາເວັດ ແຂວງ ສະວາຍລຽງ ຕາມຊາຍແດນລະຫວ່າງ ກຳປູເຈຍ-ສສ ຫວຽດນາມ. ການອອກແບບ ຂອງທາງດ່ວນ ແມ່ນສອງຟາກມີ 4 ເລນ, ຍອດມູນຄ່າການລົງທຶນປະມານ 1.376 ຕື້ໂດລາ
