ຟີລິບປິນ ເຕືອນໄພ ພູໄຟມາຢອນລະເບີດຢ່າງຮຸນແຮງ ເລັ່ງອົບພະຍົບປະຊາຊົນຢູ່ເຂດໃກ້ຄຽງອອກຈາກພື້ນທີ່

ສຳນັກຂ່າວຕ່າງປະເທດລາຍງານຈາກນະຄອນຫລວງມະນິລາ, ວັນ​ທີ 8​ ມິຖຸນາ 2023 ​ຜ່ານມາ,​ ເຈົ້າໜ້າ​ທີ່​ ທາງ​ການຟີ​ລິບ​ປິນ​ ກ່າວເຕືອນ​ ພູ​ໄຟ​ມາ​ຢອນ(Mayon) ​ໃນ​ແຂວງ ອໍລ​ເບຍ ຫ່າງ​ຈາກ ນະຄອນຫລວງ​ມະນິລາ ​ໄປ​ທາງ​ຕາ​ເວັນ​ອອກ ສຽງ​ໃຕ້ 330 ກິ​ໂລ​ແມັດ ລະ​ເບີດ​ຂຶ້ນ​ຢ່າງ​ຮຸນ​ແຮງ ສ່ຽງ​ເປັນ​ອັນ​ຕະລາຍ​ຫລາຍ ​ແລະ ຂໍ​ໃຫ້​ປະຊາຊົນທີ່ຢູ່​ອາ​ໄສ ​ເຂດ​​ໃກ້​ຄຽງຍົກຍ້າຍ​ ອອກຈາກ​ເຮືອນ​ໄປ​ຢູ່ສະຖານ​ທີ່​ ປອດ​ໄພຫລັງ​ຈາກ​ພູ​ໄຟ ໄດ້​ປະທຸ ຂີ້​ເຖົ່າ​ໄຟ​ຫິນ, ກຸ່ມ​ແກັສ ​ແລະ ລາ​ວາ ​ໄຫລ​ອອກ​ມາຕາ​ມຕີນ​ພູ ຢ່າງ​ຮຸນ​ແຮງ ຈຶ່ງ​ມີ​ການ​ຍົກ​ລະດັບ​ເຕືອນ​ໄພຈາກ​ລະດັບ 2 ມາ​ເປັນ​ລະດັບ 3 ຈາກ​ທັງ​ໝົດ 5 ລະດັບ ​ແລະ ກຽມ​ຄວາມ​ພ້ອມ ​​ໃນ​ການ​ຮັບ​ມື ​ກັບ​ພູ​ໄຟ ລະ​ເບີ​ດ​ໃນ​ຄັ້ງນີ້.