ໂຣມາໂນ ເຜີຍວ່າ ນັກເຕະຢາກຍ້າຍທີມ ແຕ່ເຊວຊີ ບໍ່ຫລຸດລາຄາ ເມສັນ ເມົ້າ ໃຫ້ແມນຢູ, ຕັ້ງໄວ້ 70 ລ້ານປອນ
ຟາບິສຊິໂອ ໂຣມາໂນ ນັກຂ່າວຊາວອີຕາລີລະເຜີຍວ່າ ເຊວຊີ ບໍ່ໄດ້ຄິດທີ່ຈະຫລຸດລາຄາຂອງ ເມສັນ ເມົ້າ ໃຫ້ກັບ ແມນເຊັສເຕີ ຢູໄນເຕັດ ແລະ ນັ້ນກໍ່ມີສ່ວນເຮັດໃຫ້ “ຜີສາດແດງ” ຍັງບໍ່ທັນໄດ້ສະຍື່ນຂໍ້ສະເຫນີຢ່າງເປັນທາງການ.
ເຊວຊີ ສະໂມສອນຍັກໃຫຍ່ຂອງ ພຣີເມຍລີກ ອັງກິດ ບໍ່ໄດ້ຄິດທີ່ຈະເຈລະຈາກັບ ແມນເຊັສເຕີ ຢູໄນເຕັດ ເພື່ອຫລຸດລາຄາຂອງ ເມສັນ ເມົ້າ ກອງກາງຊາວອັງກິດໃຫ້ກັບອີກຝ່າຍ. ແລະ ຕ້ອງການຄ່າຕົວຕາມທີ່ຕັ້ງໄວ້ຢູ່ທີ່ 70 ລ້ານປອນ ເທົ່ານັ້ນ, ອີງຕາມການເປີດເຜີຍຂອງນັກຂ່າວທີ່ມີຊື່ສຽງ Fabrizio Romano.
ເມົ້າ ຕົກເປັນຂ່າວຍ້າຍທີມຢ່າງຫນັກໃນໄລຍະສອງສາມມື້ຜ່ານມາ. ແຕ່ໃນມື້ມໍ່ໆມານີ້ ແມນ ຢູໄນເຕັດ ເປັນທີມທີ່ມີຂ່າວຕິດພັນກັບດາວເຕະ ໄວ 24 ປີຫລາຍທີ່ສຸດ ຫລັງຈາກມີການເວົ້າວ່າ ເອຣິກ ເທນຮາກ ມັກໃນແບບຂອງ ເມົ້າ ເປັນພິເສດ ຊຶ່ງທີມດັງແຫ່ງ Old Trafford ບໍ່ຢາກຈ່າຍເງິນຫລາຍປານໃດ ກັບຂໍ້ຕົກລົງນີ້.
