ອາຫານ ແລະ ຢາ ແຂວງຫົວພັນ ກວດພົບອາຫານ ແລະ ເຄື່ອງສຳອາງໝົດອາຍຸ 96 ລາຍການ ນ້ຳໜັກ1,200 ກິໂລກຣາມ
May 4, 2023 - 2:12 PM
ທ້າຍເດືອນ ເມສາ 2023 ຜ່ານມາ, ທີມງານອາຫານ ແລະ ຢາ ພະແນກສາທາລະນະສຸກແຂວງຫົວພັນ,ຮ່ວມກັບ ພະແນກອຸດສາຫະກຳ ແລະ ການຄ້າ, ພະແນກກະສິກຳ ແລະ ປ່າໄມ້, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ພະແນກຖະແຫລງຂ່າວວັດທະນະທຳ ແລະ ທ່ອງທ່ຽວ ລົງກວດກາອາຫານທີ່ໝົົດອາຍຸ ແລະ ເສື່ອມຄຸນນະພາບຢູ່ຕາມຫ້າງຮ້ານຂາຍຍົກ-ຂາຍຍ່ອຍ ຕະຫລາດ ເທສະບານເມືອງຊຳເໜືອ ຈຳນວນ 57 ຮ້ານ.
ຜ່ານການຕິດຕາມຕົວຈິງຂອງທີມງານໄດ້ກວດພົບເຫັນອາຫານ ແລະ ເຄື່ອງສຳອາງໝົດອາຍຸ ຈຳນວນ 20 ຮ້ານ 96 ລາຍການ
ປະເພດອາຫານສ່ວນຫລາຍແມ່ນເຂົ້າໜົມຈີນ, ເຂົ້າໜົມຫວຽດນາມ, ໄທ, ນ້ຳມິລິນດາ, ແຟນຕາ, ຮອດດອກ ມີນ້ຳໜັກທັງໝົດ 1,200 ກິໂລກຣາມ ລວມມູນຄ່າ 17,300,000 ກວ່າກີບ.
ສຳລັບເຄື່ອງທີ່ກວດພົບເຫັນໃນຄັ້ງນີ້ທາງທີມງານໄດ້ນຳເອົາໄປທຳລາຍຖີ້ມ ສ່ວນເຈົ້າຂອງຮ້ານແມ່ນທາງເຈົ້າໜ້າທີ່ໄດ້ເຮັດບົດບັນທຶກ ແລະ ສຶກສາອົບຮົມເປັນທີ່ຮຽບຮ້ອຍແລ້ວ.
