ຕ້ອງມີດີ! ອິນເຕີ ຫວັງຄວ້າ ແມັກໄກວ ຮ່ວມທີມ ຫລັງພາດໄດ້ ລິນເດລອຟ
January 31, 2023 - 1:00 PM
ອິນເຕີ ມິລານ ສະໂມສອນຍັກໃຫຍ່ຂອງ ກັລໂຊ ເຊເຣຍ ອາ ອີຕາລີ ເລັງເຂັ້ມການເຊັນສັນຍາກັບ ແຮຣີ ແມັກໄກວ ກອງຫລັງຂອງຄ່າໂຕແພງຈາກ ແມນເຊັສເຕີ ຢູໄນເຕັດ ຫລັງຈາກທີ່ຜິດຫວັງໄດ້ໂຕ ວິກເຕີ ລິນເດລອຟ ກອງຫລັງຊາວສະວີເດນ.
ກອງຫລັງທີມຊາດອັງກິດ ກາຍເປັນທາງເລືອກສໍາຮອງສໍາລັບຜູ້ຈັດການທີມ ເອຣິກ ເທນຮາກ ໃນລະດູການນີ້, ເຖິງແມ່ນວ່າຈະສະແດງຜົນງານທີ່ໂດດເດັ່ນສໍາລັບທີມຊາດອັງກິດ ໃນການແຂ່ງຂັນບານໂລກ 2022 ທີ່ປະເທດກາຕ້າ.
ດ້ວຍເຫດນີ້ເຮັດໃຫ້ ອິນເຕີ ຕັ້ງໃຈຍື່ນຂໍ້ສະເໜີຕົວດຶງ ແມັກໄກວ ໄປຮ່ວມທີມ ພາຍຫລັງ “ຜີສາດແດງ” ປະຕິເສດທີ່ຈະປ່ອຍ ລິນເດລອຟ ໂດຍເຊື່ອວ່າ ອິນເຕີ ຈະຍື່ນຂໍ້ສະເໜີຢືມຕົວໄປຈົນຈົບລະດູການນີ້.
