ໂຣນັລໂດ ຍັງບໍ່ເຊົາຫລິ້ນໃຫ້ທີມຊາດໂປຣຕຸເກສ ພ້ອມຕັ້ງເປົ້າລຸຍຢູໂຣ 2024

December 14, 2022 - 8:00 PM

ສື່ເປີດເຜີຍວ່າ ຄຣິສຕຽນໂນ ໂຣນັລໂດ ຕັດສິນໃຈແລ້ວວ່າຈະຍັງບໍ່ອຳລາທີມຊາດໂປຣຕຸເກສ ພ້ອມເຊື່ອວ່າຕົນເອງຈະມີປະໂຫຍດ ກັບທີມຊາດໄປຈົນເຖິງຢູໂຣ 2024.

ໂດຍ ໂຣນັລໂດ ບໍ່ສາມາດພາ ໂປຣຕຸເກສ ໄປເຖິງຝັ່ງຝັນດ້ວຍການຄວ້າແຊ໊ມໂລກ 2022 ມາຄອງໄດ້ ຫລັງເສຍໃຫ້ ໂມຣ໊ອກໂກ 0-1 ຕົກຮອບ 8 ທີມສຸດທ້າຍ.

ຫລັງເກມດັ່ງກ່າວ ດາວເຕະອາຍຸ 37 ປີໄດ້ໂພສຂໍ້ຄວາມຜ່ານໂຊຊຽລ ມີເດຍ ໃນລັກສະນະວ່າອາດຈະຕັດສິນໃຈທີ່ຈະອຳລາການຫລິ້ນທີມຊາດ ໂດຍຂໍເວລາທົບທວນໃນເລື່ອງດັ່ງກ່າວກ່ອນ.