6 ພະຍາດທີ່ມາພ້ອມໄພໜາວ
ເມື່ອເຂົ້າສູ່ລະດູໜາວ ຈະເປັນຊ່ວງທີ່ອາກາດເຢັນລົງເລັກໜ້ອຍ, ສະພາບອາກາດມີການປ່ຽນແປງ ເຮັດໃຫັ້ຮ່າງກາຍຂອງເຮົາຕ້ອງປັບອຸນຫະພູມເພື່ອຮັບມືກັບອາກາດພາຍນອກ ແລະ ການປ່ຽນແປງສະພາບອາກາດຈະເຮັດໃຫ້ຮ່າງກາຍນັ້ນເກີດພະຍາດໄດ້ງ່າຍກວ່າປົກກະຕິ ໂດຍສະເພາະໃນເດັກນ້ອຍທີ່ສະພາບຮ່າງກາຍປັບຕົວໄດ້ບໍ່ດີພໍ ແລະ ນີ້ແມ່ນ 6 ພະຍາດທີ່ພໍ່ແມ່ຄວນລະວັງໃນຊ່ວງຍາມໜາວ:
- ພະຍາດໄຂ້ຫວັດ ແລະ ໄຂ້ຫວັດໃຫຍ່.
ໄຂ້ຫວັດ: ຕັນດັງ, ນ້ຳມູກໄຫຼ, ໄອ,ຈາມ
ໄຂ້ຫວັດໃຫຍ່: ເຈັບຫົວແຮງ, ມີໄຂ້ສູງ, ປວດເມື່ອຍຕາມຕົນໂຕ, ອາດມີອາການປຸ້ນທ້ອງ ແລະ ຈາມ
ວິທີຮັກສາ: ໄຂ້ຫວັດ: ນອນຜັກຜ່ອນຫຼາຍໆ, ເຊັດໂຕ ແລະ ກິນຢາຫຼຸດໄຂ້.
- ພະຍາດປອດບວມ.
ອາການ: ໄອ, ແໜ້ນເອິກ, ມີໄຂ້ສູງ ແລະ ຫາຍໃຈຫອບ. ມັກພົບຫຼັງຈາກເປັນໄຂ້ຫວັດຊ້ຳເຮື້ອ ຫຼື ຮຸນແຮງ.
ວິທີຮັກສາ: ຄວນໄປພົບແພດ.
- ພະຍາດ ຫັດ.
ອາການ: ມີໄຂ້, ນ້ຳມູກໄຫຼ, ໄອ, ຕາແດງ, ມີຜື່ນຂື້ນຫຼັງມີໄຂ້ປະມານ 4 ມື້.
ວິທີ່ຮັກສາ: ພົບແພດ ແລະ ກິນຢາຫຼຸດໄຂ້.
- ພະຍາດ ຫັດ ເຢຍລະມັນ.
ອາການ: ມີໄຂ້ຕ່ຳ-ປານກາງ ມີຜື່ນກະຈາຍທົ່ວໄປ.
ວິທີຮັກສາ: ກິນຢາຫຼຸດໄຂ້, ທາຢາແກ້ຜື່ນຄັນ ຫາກພົບໃນຜູ້ຍິງຖືພາໄລຍະ 3 ເດືອນທຳອິດຄວນໄປພົບແພດ.
- ພະຍາດອີສຸກອີໃສ.
ອາການ: ເລີ່ມຈາກມີໄຂ້ຕ່ຳໆ ຕໍ່ມາຈະມີຜື່ນແດງ, ຕຸ່ມນູນໃສໆ ຈາກນັ້ນຈະເປັນຕຸ່ມໜອງ.
ວິທີຮັກສາ: ຮັກສາຕາມອາການຄົນປ່ວຍ ສ່ວນໃຫຍ່ຈະເຊົາຈາກອາການດັ່ງກ່າວໃນເວລາບໍ່ດົນ.
- ພະຍາດຖອກທ້ອງ.
ອາການ: ຖ່າຍເປັນນ້ຳ ຮ່ວມກັບອາການໄຂ້ ແລະ ປວດຮາກ.
ວິທີຮັກສາ: ດື່ມນໍ້າໃຫ້ຫລາຍໆ ຖ້າບໍ່ດີຂຶ້ນຄວນໄປພົບແພດ.
