ເບນເຊມາ ຢືນຢັນຈະແຂວນສະຕັດກັບ ຣຽວ ມາດຣິດ

ຄາຣິມ ເບນເຊມາ ກອງໜ້າປະສົບການຫລາຍຂອງ ຣຽວ ມາດຣິດ ຢືນຢັນວ່າລາວຈະແຂວນສະຕັດກັບທີມຢ່າງແນ່ນອນ.

ໂດຍ ເບນເຊມາ ຍ້າຍມາຈາກ ໂອລິມປິກ ລີຢົງ ມາຢູ່ກັບ ຣຽວ ມາດຣິດ ເມື່ອປີ 2009 ເຊິ່ງລາວກໍສ້າງຜົນງານໄດ້ຢ່າງ ໂດດເດ່ັນດ້ວຍການຍິງໄປແລ້ວກວ່າ 328 ປະຕູຈາກ 345 ນັດ ລວມທຸກລາຍການ ພ້ອມຊ່ວຍຕົ້ນສັງກັດຄວ້າແຊ໊ມ ມາຄອງຫລາຍລາຍການ ທັງ ລາ ລີກາ ສະເປນ 4 ສະໄຫມ, ຢູຟາ ແຊ໊ມປຽນ ລີກ 5 ສະໄຫມ ແລະ ຟີຟາ ຄລັບ ເວີນ ຄັບ 4 ສະໄຫມ.

ກ່ອນໜ້ານີ້ມີລາຍງານວ່າ ດາວເຕະອາຍຸ 34 ປີພວມຈະຂະຫຍາຍສັນຍາກັບ ຣຽວ ມາດຣິດ ອອກໄປອີກ 1 ປີ ຫລື ເຖິງປີ 2025 ໂດຍຖ້າການຢືນຢັນຢ່າງເປັນທາງການເທົ່ານັ້ນ.

ຈົນຫລ້າສຸດ ເບນເຊມາ ເຈົ້າຂອງລາງວັນບັນລົງດໍສະໄຫມຫລ້າສຸດໃຫ້ສຳພາດເຖິງເລື່ອງອະນາຄົດຫລັງງານ ປະກາດລາງ ວັນດັ່ງກ່າວວ່າ : “ ຂ້ອຍຈະແຂວນສະຕັດກັບ ຣຽວ ມາດຣິດ ບໍ່ມີທາງເລືອກອື່ນສຳລັບຂ້ອຍ ”.