ເອັມບັບເປ ຂຶ້ນແທ່ນເບີ 1 ດາວຍິງສູງສຸດຕະຫລອດການ ເປແອສເຊ ໃນແຊ໊ມປຽນລີກ
October 13, 2022 - 9:57 AM
ຄີລຽນ ເອັມບັບເປ ດາວຍິງຕົວເກ່ັງຂອງ ປາຣີສ ແຊັງ ແຊັກແມັງ ກາຍເປັນນັກເຕະທີ່ຜະລິດປະຕູຫລາຍທີ່ສຸດຕະຫລອດການໃຫ້ກັບທີມໃນລາຍການໃຫ້ກັບທີມໃນເວທີ ຢູຟາ ແຊ໊ມປຽນ ລີກ ແລ້ວເປັນທີ່ຮຽບຮ້ອຍ.
ເອັມບັບເປ ຫາກໍຍິງໄປ 1 ປະຕູໃນເກມ ແຊ໊ມປຽນ ລີກ ຮອບແບ່ງກຸ່ມ ທີ່ເປແອສເຊ ເປີດສະໜາມສະເຫມີກັບ ເບນຟີກາ 1-1 ເມື່ອຄືນວັນອັງຄານທີ່ຜ່ານມາ ເປັນປະຕູທີ 4 ຂອງລາວຈາກ 4 ນັດທີ່ລົງຫລິ້ນໃນ ຢູຟາ ແຊ໊ມປຽນ ລີກ ລະດູການນີ້.
ຈາກປະຕູດັ່ງກ່າວ ສົ່ງຜົນໃຫ້ລາວແຊງໜ້າ ເອດິນສັນ ຄາວານີ ກອງໜ້າທີມຊາດອຸຣຸໄກວ 1 ປະຕູເປັນທີ່ຮຽບຮ້ອຍແລ້ວ.
ດາວຍິງສູງສຸດຕະຫລອດການຂອງ ປາຣີສ ແຊັງ ແຊັກແມັງ ໃນການແຂ່ງຂັນຢູຟາ ແຊ໊ມປຽນ ລີກ (ນັບສະເພາະໃນ ຮອບແບ່ງກຸ່ມເຖິງຮອບຊີງຊະນະເລີດ).
- ຄີລຽນ ເອັມບັບເປ 31 ປະຕູ.
- ເອດິນສັນ ຄາວານີ 30 ປະຕູ.
- ເນມາ 21 ປະຕູ.
- ຊະລາຕັນ ອີບຣາຮີໂມວິດ 20.
- ອັງເຄລ ດີ ມາເຣຍ 14.
