ອິນເດຍ ຜະເຊີນນ້ຳຖ້ວມທາງພາກເໜືອຢ່າງໜັກ ມີຜູ້ເສຍຊີວິດ15ຄົນ
ຕາມຂ່າວຈາກ AFP,ເມື່ອບໍ່ດົນມານີ້, ອິນເດຍ ພວມຜະເຊີນກັບ ສະພາບ ນ້ຳຖ້ວມ ກະທັນຫັນ ແລະ ດິນເຈື່ອນ ໃກ້ພູຫິມາໄລ ທາງພາກເໜືອ ຂອງປະເທດ ເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 15ຄົນ ແລະ ໄດ້ຮັບ ຄວາມເສຍຫາຍ ເປັນບໍລິເວນກວ້າງ.
ຜູ້ຊ່ຽວຊານໄດ້ກ່າວວ່າ: ການປ່ຽນແປງຂອງດິນຟ້າອາກາດໃນທົ່ວໂລກໄດ້ເຮັດໃຫ້ຫລາຍເຂດປະສົບກັບສະພາບອາກາດທີ່ຮ້າຍແຮງ.
ຂະນະທີ່ ໂຄງການ ສ້າງເຂື່ອນ ໃນອິນເດຍ ໄດ້ຕັດໄມ້ ທໍາລາຍປ່າໄມ້ແລະ ການພັດທະນາພື້ນຖານໂຄງລ່າງຂອງປະເທດ ເຮັດໃຫ້ເກີດ ໄພພິບັດ ທາງທໍາມະຊາດ ເລື້ອຍໆ ແລະ ມີຜູ້ເສຍຊີວິດ ຫລາຍຄົ ໃນແຕ່ລະປີ ເປັນຕົ້ນ: ໃນເດືອນກໍລະກົດ ມີຜູ້ເສຍຊີວິດ 8 ຄົນຫລັງຈາກເກີດນ້ຳຖ້ວມໃນບໍລິເວຍຄ້າຍພັກຜູ້ສະແຫວງບຸນໃນແຄວ້ນ ແຄສເມຍ (Kashmir)ແລະ ໃນເດືອນມິຖຸນາເກີດຝົນຕົກໜັກຢູ່ພາກຕາເວັນອອກ ສ່ຽງເໜືອຈົນເຮັດໃຫ້ມີຜູ້ເສຍຊີວິດເກືອບ 40 ຄົນ ໃນເຫດການດິນເຈື່ອນທີ່ເກີດຂຶ້ນຢູ່ຄ້າຍຂອງພະນັກງານລົດໄຟແຫ່ງໜຶ່ງ ໃນລັດມະນີປູຣະ.
