ລີໂອເນລ ເມສຊີ ບໍ່ຕິດລາຍຊື່ເຂົ້າຊີງລາງວັນບັລລົງດໍ ຄັ້ງທຳອິດໃນຮອບ 17 ປີ
ວາລະສານ ຟຣອງ ຟຸດບອລ ເປີດເຜີຍລາຍຊື່ 30 ນັກເຕະທີ່ມີລາຍຊື່ເຂົ້າຊີງລາງວັນ ບັລລົງດໍ 2022 ເຊິ່ງບໍ່ມີຊື່ຂອງ ລີໂອເນລ ເມສຊີ ກອງໜ້າ ປາຣີສ ແຊັກແມັງ ເປັນຄັ້ງທຳອິດໃນຮອບ 17 ປີ.
ສຳລັບລາງວັນ ບັລລົງດໍ ເຊິ່ງຈັດຂຶ້ນໂດຍ ວາລະສານ ຟຣອງ ຟຸດບອລ ຈາກຝຣັ່ງຈະມອບໃຫ້ນັກເຕະທີ່ມີຜົນງານດີທີ່ສຸດເຊິ່ງຕາມແຕ່ກ່ອນຈະພິຈາລະນາມອບລາງວັນຕາມປະຕິທິນແຂ່ງຂັນລາຍປີມາຕະຫລອດ ແຕ່ວ່າປີນີ້ຈະປັບປຸງຮູບແບບການພິຈາລະນາເປັນຕາມປະຕິທິນແຂ່ງຂັນລະດູການບານເຕະລີກຢູໂຣບ.
ຫລ້າສຸດເມື່ອວັນທີ 12 ສິງຫາ ຟຣອງ ຟຸດບອລ ໄດ້ມີການປະກາດລາຍຊື່ນັກເຕະ 30 ຄົນສຸດທ້າຍທີ່ມີຊື່ເຂົ້າຊີງລາງວັນດັ່ງກ່າວ ນຳໂດຍ ຄາຣິມ ເບນເຊມາ, ໂຣເບີດ ເລວານດອບສະກີ, ໂມຮາເຫມັດ ຊາລາ ແລະ ຄຣິສຕຽນໂນ ໂຣນັລໂດ ເປັນຕົ້ນ.
ແຕ່ແລ້ວ ບໍ່ມີຊື່ຂອງ ລີໂອເນລ ເມສຊີ ດາວເຕະຂອງ ເປແອສເຊ ແລະ ທີມຊາດອາເຊນອລ ເຊິ່ງເປັນເຈົ້າຂອງລາງວັນ ບັລລົງດໍ 7 ສະໄຫມ ຢູ່ໃນລາຍຊື່ ພ້ອມເປັນຄັ້ງທຳອິດຕັ້ງແຕ່ປີ 2005 ຫລື 17 ປີ ທີ່ນັກເຕະອາຍຸ 35 ປີບໍ່ມີຊື່ໃນລາຍການ ຫລັງສ້າງຜົນ ງານໄດ້ບໍ່ໜ້າພໍໃຈເມື່ອລະດູການຜ່ານມາ.
- ເທຣນ ອະເລັກຊານເດີ-ອາໂນລ ( ລິເວີພູລ ອັງກິດ )
- ຄາລິມ ເບນເຊມາ (ຣຽວ ມາດຣິດ, ຝຣັ່ງ)
- ເຊົາ ການເຊໂລ (ແມນເຊັສເຕີ ຊິຕີ້, ໂປຣຕຸເກສ)
- ຄາເຊມີໂຣ (ຣຽວ ມາດຣິດ, ບຣາຊິລ)
- ທີໂບ ກູຕົວ (ຣຽວ ມາດຣິດ, ເບລຢ້ຽມ)
- ເຄວິນ ເດີ ບຣອຍ (ແມນເຊັສເຕີ ຊິຕີ້, ເບລຢ້ຽມ)
- ຫລຸຍ ດີອາສ (ລີເວີພູລ, ໂຄລົມເບຍ)
- ຟາບິນໂຢ (ລີເວີພູລ, ບຣາຊິລ)
- ຟິລ ໂຟເດັນ (ແມນເຊັສເຕີ ຊິຕີ້, ອັງກິດ)
- ເອີລິງ (ແມນເຊສເຕີ ຊິຕີ້, ນໍເວ)
- ເຊບາສຕຽນ ອາລເລີ (ໂບຣຸສເຊຍ ດອດມຸນ, ໄອວົວຣີ ໂຄສ)
- ແຮຣີ ເຄນ ( ທັອດແນມ ຮັອດສະເປີ, ອັງກິດ)
- ໂຢຊວຍ ຄິມມິດ (ບາເຢິນ ມິວນິກ, ເຢຍລະມັນ)
- ຣາຟາເອລ ເລໂອ (ເອຊີ ມິລານ, ໂປຣຕຸເກສ)
- ໂຣເບີດ ເລວານດອບສະກີ (ບາເຊໂລນາ, ໂປແລນ)
- ຣີຢາດ ມາເຣສ (ແມນເຊັສເຕີ ຊິຕີ້, ແອນຈີເຣຍ)
- ໄມ ເມຢອງ (ເອຊີ ມິລານ, ຝຣັ່ງ)
- ຊາດິໂອ ມາເນ (ບາເຢິນ ມິວນິກ, ເຊເນການ)
- ຄີລຽນ ເອັມບັບເປ (ປາຣີ ແຊັງແຊັກແມັງ, ຝຣັ່ງ)
- ລູກາ ໂມດຣິກ (ຣຽວ ມາດຣິດ, ໂຄຣເອເຊຍ)
- 21. ຄຣິສຕອບເຟີ ເອັນຄຸນຄູ (ໄລຊິກ, ຝຣັ່ງ)
- ດາວິນ ນູເນສ ( ລິເວີພູລ, ອູຣູກວາຍ )
- ຄຣິສຕຽນໂນ ໂຣນັລໂດ (ແມນເຊສເຕີ ຢູໄນເຕັດ, ໂປຣຕຸເກສ)
- ອັນໂຕນິໂອ ຣູດີເກີ (ຣຽວ ມາດຣິດ, ໂຄຣເອເຊຍ, ເຢຍລະມັນ)
- ໂມຮາເຫມັດ ຊາລີ (ລີເວີພູລ, ອີຢິບ)
- ເບີນາໂດ ຊິລວາ (ແມນເຊັສເຕີ ຊິຕີ້, ໂປຣຕຸເກສ)
- ຊອນ ເຮືອງ ມິນ (ທັອດແນມ ຮັອດສະເປີ, ສ.ເກົາຫລີ)
- ເວີຈິລ ຟານ ໄດ (ລີເວີພູລ, ເນເທີແລນ)
- ວີນີຊີອຸສ ຈູເນຍ (ຣຽວ ມາດຣິດ, ຝຣັ່ງ)
- ດູຊານ ວະລາໂຮວິດ (ຢູເວນຕຸສ, ເຊີເບຍ).
