ທຸ້ມສຸດໂຕ “ເບນເຊມ່າ” ວາດຝັນ ຄວ້າບັນລົງດໍ ຫຼັງຖະຫຼົ່ມປະຕູໄປ 44 ລູກ ພາມາດຣິດຄວ້າແຊ້ມລີກ ແລະ UCL
ທຸ້ມສຸດໂຕແລ້ວ “ເບນເຊມ່າ” ວາດຝັນຢາກປົດລັອກ “ບັນລົງດໍ” ຫຼັງຍິງໄປ 44 ປະຕູ ຊ່ວຍໃຫ້ ຣຽວ ມາດຣິດ ຄວ້າແຊ໊ມລີກ ແລະ ແຊ້ມ UCL.
ເຖິງຈະບໍ່ມີຊື່ຂຶ້ນສະກໍບອດໃນການແຂ່ງຂັນຊີງແຊ້ມ ຢູຟ່າ ແຊ້ມປ້ຽນລີກ ນັດສຸດທ້າຍ, ແຕ່ເມື່ອພິຈາລະນາການທຸ້ມເທສ້າງຜົນງານມາຕະຫຼອດໃນລະດູການ, ຄາຣິມ ເບນເຊມ່າ ກອງຫນ້າ ຣຽວ ມາດຣິດ ແມ່ນໂຕເຕັງໃນບັນດາແຖວໜ້າສຳລັບການຊີງລາງວັນ ບັນລົງດໍ ໂດຍບໍ່ຕ້ອງສົງໃສ
ໃນລະດູການ 2021/22 ເບນເຊມ່າ ຄວ້າ 3 ແຊ້ມໄດ້ສຳເລັດຄື ລາລີກາ ສະເປນ, ຊຸບເປີໂຄປາ ແລະ ຢູຟ່າ ແຊ້ມປ້ຽນລີກ ເຊິ່ງລົງຫຼິ້ນໄປທັງໝົດ 46 ນັດ ຍິງໄດ້ 44 ປະຕູລວມທຸກລາຍການ ເປັນກອງໜ້າອັນດັບ 1 ຂອງ ຄາໂລ ອັນເຊລັອດຕິ
ລາຍການ ແຊ້ມປ້ຽນລີກທີ່ຫາກໍ່ຈົບລົງ ດາວຍິງທີມຊາດຝຣັ່ງ ຍິງໄປ 15 ປະຕູຕະຫຼອດການລົງແຂ່ງຂັນຈົນເຮັດໃຫ້ “ລາຊາຊຸດຂາວ” ຄວ້າແຊ້ມເອີຣົບ ສະໄໝທີ 14 ພ້ອມດ້ວຍຕຳແໜ່ງດາວຊັນໂວ. ເຊິ່ງເມື່ອຖືກຖາມດ້ວຍຜົນງານທີ່ແຮງຂະໜາດນີ້ ຄາດຫວັງເຖິງການຊີງລາງວັນ Golden Ball ສະໄໝທຳອິດຫຼືບໍ່ ເບນເຊມ່າ ຕອບວ່າ “ແນ່ນອນ.”
ສຳລັບພິທີມອບລາງວັນ Ballon d’Or ປີນີ້ຈະຈັດຂຶ້ນທີ່ປາຣີສ ປະເທດຝຣັ່ງ, ວັນທີ 17 ເດືອນຕຸລາ, ກ່ອນທີ່ບານໂລກ 2022 ທີ່ປະເທດກາຕ້າຈະເປີດຂຶ້ນໃນເດືອນພະຈິກຖັດໄປ.
ທີ່ມາ : https://www.france24.com/…/20220528-i-can-t-do-much…
