ບໍລິສັດ ລ້ານຊ້າງ ມີເນໂຣນ໌ ມອບເງິນອາກອນກຳໄລ ໃຫ້ລັດຖະບານ 13 ລ້ານກວ່າໂດລາ
May 7, 2022 - 12:08 PM
ໃນວັນທີ 5 ພຶດສະພາ 2022 ນີ້, ທີ່ຫ້ອງປະຊຸມກົມສ່ວຍສາອາກອນ, ບໍລິສັດ ລ້ານຊ້າງ ມີເນໂຣນ໌ ລິມິເຕັດໄດ້ມອບ-ຮັບເງິນອາກອນກຳໄລປີ 2021 ຈໍານວນ 13.348.764,91 ໂດລາສະຫະລັດ ໃຫ້ລັດຖະບານ ເພື່ອເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດ.
ຕາງໜ້າມອບໂດຍ ທ່ານ ສະໝານ ອະເນກາ ຜູ້ອຳນວຍການໃຫຍ່ ແລະ ຜູ້ຈັດການຝ່າຍພົວພັນກັບຜູ້ມີສ່ວນຮ່ວມຂອງບໍລິສັດ ລ້ານຊ້າງ ມີເນໂຣນ ລີມິເຕັດ ແລະ ຕາງໜ້າລັດຖະບານຮັບໂດຍ ທ່ານ ບຸນປະເສີດ ສີກຸນລະບຸດ ຫົວໜ້າກົມສ່ວຍສາອາກອນ ກະຊວງການເງິນ.
