ຄຣິສຕຽນໂນ ໂຣນັລໂດ ຮັບໂບນັສເພີ່ມ ຫລັງຍິງແຮັດທຮິກໃສ່ ນໍຣິສ
ສື່ອັງກິດລາຍງານວ່າ ຄຣິສຕຽນໂນ ໂຣນັລໂດ ກອງຫນ້າຊຸບເປີດສະຕາ ແມນເຊສເຕີ ຢູໄນເຕັດ ຮັບເງິນໂບນັສ ເພີ່ມອີກ 850,000 ປອນ ຫລັງຍິງຄົນດຽວ 3 ລູກ ໃສ່ ນໍຣິສ ຊິຕີ.
ໂຣນັລໂດ ມີສ່ວນສຳຄັນພາ ແມນເຊສເຕີ ຢູໄນເຕັດ ເປີດບ້ານເອົາຊະນະ ນໍຣິສ ຊິຕີ 3-2 ໃນພຣີເມຍລີກ ອັງກິດ ເມື່ອວັນທີ 16 ເມສາຜ່ານມາ ຫລັງຈາກທີ່ລາວເຫມົາຄົນດຽວ 3 ໜ່ວຍ ໃນນາທີ 7, 32 ແລະ 76.
ຈາກການຍິງເພີ່ມ 3 ປະຕູດັ່ງກ່າວສົ່ງຜົນໃຫ້ ໂຣນັລໂດ ຍິງໃຫ້ ແມນເຊສເຕີ ຢູໄນເຕັດ ໄປແລ້ວ 21 ປະຕູຈາກການລົງສະຫນາມ 35 ນັດ ລວມທຸກລາຍການໃນລະດູການນີ້.
ຫລ້າສຸດ ເດິ ຊັນ ສື່ອັງກິດເປີດເຜີຍວ່າ ຈາກການຍິງແຮັດທຣິກດັ່ງກ່າວໃນເກມທີ່ຜ່ານມາ ສົ່ງຜົນໃຫ້ນັກເຕະອາຍຸ 37 ປີ ໄດ້ຮັບເງິນໂບນັສເພີ່ມລວມ 850,000 ປອນ ຕາມທີ່ໃນສັນຍາລະບຸໄວ້ ແບ່ງເປັນຍິງເກີນ 20 ປະຕູໃນຫນຶ່ງລະດູການ 750,000 ປອນ ແລະ ຍິງແຮັດທຣິກໄດ້ອີກ 100,000 ປອນ.
ນອກຈາກນີ້ມີລາຍງານເພີ່ມວ່າ ໂຣນັລໂດ ຈະໄດ້ໂບນັສເພີ່ມອີກປະຕູລະ 100,000 ປອນ ຫລັງຈາກເກມນີ້ຈົນເຖິງຈົບລະດູການ.
