ເຈົ້າໜ້າທີ່ຕຳຫລວດໜອງຄາຍ ຢຶດຢາໄອສ໌ ທີ່ຂົນຂ້າມຈາກຝັ່ງຂອງປະເທດລາວໄດ້ 215 ກິໂລກຣາມ
March 30, 2022 - 11:04 AM
ວັນທີ 27 ມີນາ 2022 ຜ່ານມານີ້ ເຈົ້າໜ້າທີ່ຕຳຫລວດ ຈັງຫວັດໜອງຄາຍ ປະເທດໄທ ກວດພົບການຂົນຍ້າຍຢາເສບຕິດຂ້າມຈາກຝັ່ງລາວ ເຂດທ່າບ້ານຕານຊຸມ ອຳເພີລັດຕະນະວາປີ ກົງກັນຂ້າມກັບເຂດບ້ານ ຫ້ວຍສາຍພາຍ ເມືອງທ່າພະບາດ ແຂວງບໍລິຄຳໄຊ ເຈົ້າໜ້າທີ່ສາມາດຢຶດຢາໄອສ໌ໄດ້ຈຳນວນ 215 ກິໂລກຣາມ ຄິດເປັນມູນຄ່າປະມານ 75 ລ້ານບາດ ຫລື 29,2 ຕື້ກີບ ສ່ວນຜູ້ຂົນສົ່ງຢາແມ່ນບໍ່ສາມາດຈັບໄດ້ ເນື່ອງຈາກກຸ່ມຄົນດັ່ງກ່າວຂັບເຮືອກັບເຂົ້າເຂດນ່ານນໍ້າຂອງ ຝັ່ງ ສປປ ລາວກ່ອນ.
ສ່ວນທາງເຈົ້າໜ້າທີ່ໄທແມ່ນຈະໄດ້ສືບສວນສອບ ແລະ ກວດສອບເພື່ອຊອກຫາຄູ່ຮ່ວມມືຄ້າຂາຍຢາເສບຕິດຊຸດດັ່ງກ່າວນີ້ ນຳມາລົງໂທດຕາມລະບຽບກົດໝາຍ
ຂ່າວຈາກ: ຂ່າວອອນລາຍໜອງຄາຍ
