ກູຕິນໂຢ ມີຄວາມສຸກອີກຄັ້ງ ຫຼັງຫວນຄືນ ພຣີເມຍລີກ ພ້ອມເອີ້ນຟອມເກັ່ງກັບວິນລາໄດ້ສຳເລັດ
ກັບມາເກີດໃໝ່ “ຄູຕິນໂຢ” ເປີດໃຈໃກ້ຄືນຟອມເກັ່ງໃນສະໄໝຢູ່ພຣີເມຍລີກກັບລິເວີພູລ
ຟິລິເປ້ ຄູຕິນໂຢ ເຄີຍໄດ້ຮັບການຍອມຮັບວ່າເປັນຫນຶ່ງໃນຜູ້ນັກເຕະທີ່ດີທີ່ສຸດຄົນໜຶ່ງໃນເອີຣົບ ເມື່ອຄັ້ງທີ່ຫຼີ້ນໃຫ້ກັບ “ຫົງແດງ” ລິເວີພູລ, ແຕ່ເສັ້ນສະທາງຊີວິດຂອງເຂົາກັບຕົກຕ່ຳລົງເມື່ອຍ້າຍໄປຮ່ວມທີມ “ເຈົ້າບຸນທຸ່ມ” ບາເຊໂລນາ ໃນເດືອນມັງກອນ 2018 ດ້ວຍຄ່າຕົວ 142 ລ້ານປອນ (6.3 ຕື້ບາດ) ສົ່ງຜົນໃຫ້ເຂົາຕັດສິນໃຈຍ້າຍກັບລີກທີ່ຕົນເອງແຈ້ງເກີດອີກຄັ້ງ ໃນຊ່ວງເປີດຕະຫຼາດຊື້ຂາຍນັກເຕະເດືອນມັງກອນ. ໂດຍຍ້າຍດ້ວຍສັນຍາຢືມຕົວກັບ “ສິງຜະງາດ” ແອສຕັນ ວິນລາ
ຄູຕິນໂຢ ເປີດໃຈກັບ Globo Esporte ວ່າ: “ຂ້ອຍມີຄວາມຊົງຈໍາທີ່ສວຍງາມກັບ ລິເວີພູລ ທີ່ ແອນຟີວ ຂ້ອຍມີຄວາມສຸກຫຼາຍ. ແຕ່ຕອນນີ້ຂ້ອຍກໍາລັງເລີ່ມຕົ້ນຊີວິດໃຫມ່ກັບ ແອສຕັນ ວິນລາ, ຂ້ອຍກັບມາມີຄວາມສຸກອີກເທື່ອຫນຶ່ງ. ຫຼັງຈາກທີ່ຂ້ອຍບໍ່ສາມາດເຮັດຜົນງານໄດ້ດີໃນປະເທດອັງກິດ ເຊັ່ນດຽວກັນກັບອີຕາລີ, ສະເປນ ແລະ ເຢຍລະມັນ.”
“ມັນຍາກທີ່ຈະເວົ້າວ່າເປັນຫຍັງຢູ່ ແຄັມນູ ຂ້ອຍບໍ່ສາມາດຫຼິ້ນໄດ້. ບາງທີມັນອາດຈະເປັນຍ້ອນການບາດເຈັບຂອງຂ້ອຍ. ຄົນອື່ນອາດຈະບໍ່ຮູ້ວ່າມັນເຈັບປວດຫຼາຍປານໃດ. ແຕ່ຂ້ອຍຕ້ອງຟື້ນຕົວ ແລະ ເບິ່ງແຍງຮ່າງກາຍຂອງຂ້ອຍໃນຕອນເຊົ້າ, ຕອນບ່າຍ, ແລະ ກາງຄືນ.”
“ຕອນນີ້ເຖີງເວລາທີ່ຈະກ້າວໄປຂ້າງໜ້າ ດ້ວຍຄວາມເຄົາລົບ ແລະ ເປັນມືອາຊີບສະເໝີ. ຂ້ອຍຂອບໃຈບາເຊໂລນາທີ່ເຊື່ອຜົນງານຂອງຂ້ອຍ. ແລະ ຂ້ອຍຮູ້ສຶກຂອບໃຈທີ່ໄດ້ປົກປ້ອງສະໂມສອນທີ່ມີປະຫວັດສາດມາຫຼາຍ.”
