ຕັດຂາດ! ໄນກີ້ ປະກາດ ຍົກເລີກສັນຍາ ກຣີນວູດ ຖາວອນ.
February 8, 2022 - 11:00 AM
ໄນກີ້ ບໍລິສັດຜະລິດອຸປະກອນກິລາຍັກໃຫຍ່ ໄດ້ປະກາດຢຸດການສະໜັບສະໜຸນໃຫ້ກັບ ເມສັນ ກຣີນວູດ ກອງໜ້າຂອງ ແມນເຊສເຕີ ຢູໄນເຕັດ ຢ່າງເປັນທາງການ ຫຼັງຈາກມີປັນຫາດ້ານຄະດີຄວາມ.
ກ່ອນໜ້ານີ້ ໄນກີ້ ໄດ້ປະກາດຢຸດຄວາມສໍາພັນກັບ ກຣີນວູດ ຊົ່ວຄາວໃນຂະນະທີ່ດາວຍິງໄວ 20 ປີ ຖືກຕໍາຫຼວດຈັບ ພ້ອມຕັ້ງຂໍ້ຫາຂົ່ມຂືນລ່ວງລະເມີດທາງເພດ ແລະ ຂູ່ວ່າຈະຂ້ານັກຮຽນຍິງໄວ 18 ປີ.
ຈົນລ່າສຸດ ໄນກີ້ ໄດ້ອອກມາຢືນຢັນສິ້ນສຸດຄວາມສໍາພັນກັບນັກກິລາບານເຕະຂອງ ຜີສາດແດງ ຢ່າງເຕັມຮູບແບບ ເຖິງວ່າຈະຖືກອະນຸຍາດໃຫ້ປະກັນຕົວ ໂດຍຍັງຈະມີການສືບຕໍ່ການສືບສວນຄະດີອີກຕໍ່ໄປ.
“ເມສັນ ກຣີນວູດ ບໍ່ໄດ້ເປັນນັກກິລາຂອງ ໄນກີ້ ອີກຕໍ່ໄປ” ໄນກີ້ ໄດ້ກ່າວສັ້ນໆໃນວັນທີ 7 ກຸມພາ.
