ສະວິດເປີດຂົວໃຫ້ຄົນຂ້າມ ຍາວທີ່ສຸດໃນໂລກ
July 31, 2017 - 6:24 PM
ເມືອງເຊີແມດຂອງສະວິດ ເປີດໃຫ້ນັກທ່ອງທ່ຽວ ແລະ ປະຊາຊົນທົ່ວໄປໄດ້ໃຊ້ຂົວໃຫ້ຄົນຂ້າມແຫ່ງໃໝ່ ເຊິ່ງມີຄວາມຍາວທີ່ສຸດໃນໂລກແລ້ວ.
ຂົວໃຫ້ຄົນຂ້າມແຫ່ງນີ້ມີຊື່ວ່າ: ຂົວເອີຣົບ (Europabrubke) ມີຄວາມຍາວ 494 ແມັດ, ຢູ່ເທິງພູທີ່ສູງຊັນ ໂດຍມີຈຸດສູງທີ່ສຸດຈາກພື້ນດິນ 85 ແມັດ ສ້າງຂຶ້ນເພື່ອທົດແທນຂົວເກົ່າທີ່ໄດ້ຮັບຄວາມເສຍຫາຍຈາກຫີນຖະຫລົ່ມ ໂດຍໃຊ້ເວລາກໍ່ສ້າງພຽງ 10 ອາທິດ.
ຂົວແຫ່ງນີ້ເປັນສ່ວນໜຶ່ງຂອງເສັ້ນທາງຍ່າງສຳລັບນັກປີນພູທີ່ໃຊ້ເວລາຍ່າງ 2 ວັນ ໂດຍເຊື່ອມຕໍ່ລະຫວ່າງເມືອງເຊີແມດກັບເມືອງກຣາເຄນທາງຕອນໃຕ້ຂອງສະວິດ, ຜູ້ທີ່ຂ້າມຂົວນີ້ສາມາດຫລຽວເຫັນທິວທັດທີ່ງົດງາມຂອງພູແມດເທີຮອນທີ່ມີຊື່ສຽງໄດ້ນຳອີກ.
