10 ນັກເຕະດາວຮຸ່ງອາຍຸຕ່ຳກວ່າ 23 ປີ ຄ່າໂຕແພງທີ່ສຸດໃນໂລກ

ນັກເຕະດາວຮຸ່ງໃນໃນວົງການບານເຕະໃນປັດຈຸບັນ ພວມເກີດຂຶ້ນຢ່າງຫລວງຫລາຍ ໂດຍມີຫຼາຍຄົນທີ່ກໍາລັງສ້າງຜົນງານໄດ້ຢ່າງຮ້ອນແຮງຈົນໄດ້ຮັບຄວາມສົນໃຈຈາກສະໂມສອນຊັ້ນນໍາຂອງເອີຣົບຫຼາຍທີມ.

ທ່າ​ແຮງ​ຂອງ​ຜູ້​ຫຼິ້ນ​ເຫຼົ່າ​ນີ້​ໄດ້​ເຮັດ​ໃຫ້​ມີ​ການຄຳນວນເລື່ອງຄ່າໂຕຂອງພວກເຂົາວ່າປັດຈຸ​ບັນ​ສູງ​ສໍ່າ​ໃດ, ​ໂດຍ​ຫໍສັງເກດການບານເຕະ ( Football Observatory ) ແຫ່ງສູນນາໆຊາດເພື່ອການສຶກສາດ້ານກິລາ (CIES) ​ໄດ້​ປະ​ເມີນ​ການ​ຕີ​ລາຄາ​ຂອງນັກເຕະທີ່ອາຍຸບໍ່ເກີນ 23 ປີ 10 ລາຍຄົນ ເຊິ່ງມີຄ່າໂຕແພງ​ທີ່​ສຸດ​ໃນໂລກ.

ສິ່ງທີ່ຫນ້າສົນໃຈກໍຄື 4 ຄົນ ຈາກ 10 ຄົນ ແມ່ນນັກເຕະຊາວອັງກິດ ແລະ ຢູ່ຕິດທີມຊາດອັງກິດຊຸດໃຫຍ່ຮຽບຮ້ອຍແລ້ວ ໃນຂະນະທີ່ອັນດັບ 1 ໃນເວລານີ້ ມີ 3 ຄົນ ທີ່ຄ່າໂຕແພງເທົ່າກັນ. ເນື່ອງຈາກຜົນງານຂອງພວກເຂົາຮ້ອນແຮງເຫລືອເກີນໄລຍະທີ່ຜ່ານມາ.

            10 ນັກເຕະອາຍຸຕ່ຳກວ່າ 23 ປີ ທີ່ມີມູນຄ່າແພງທີ່ສຸດໃນໂລກມີດັ່ງນີ້ :

ເອີຣິງ ຮາແລນ :  127.5 ລ້ານປອນ

ກອງໜ້າດາວຮຸ່ງມາແຮງຈາກຄ້າຍ “ເສືອເຫຼືອງ” ໂບຣຸສເຊຍ ດອດມຸນ ສ້າງຜົນງານໄດ້ຮ້ອນແຮງໃນເວທີເອີຣົບ. ດ້ວຍເຫດຜົນນີ້ເຮັດໃຫ້ລາວເປັນທີ່ຊື່ນຊອບຂອງຫຼາຍສະໂມສອນໃຫຍ່ ໂດຍກອງໜ້າຊາວນໍເວ ອາຍຸ 21 ປີ ຕົກເປັນຂ່າວວ່າກຽມອຳລາຕົ້ນສັງກັດດ້ວຍຄ່າຕົວພຽງ 65 ລ້ານປອນ ຫລັງຈົບລດູການນີ້. ເຫດຜົນ​ທີ່​ລາຄາຄ່າໂຕ​ຖືກ​ກໍ​ຍ້ອນ​ວ່າ​ເປັນ​ຂໍ້​ກຳນົດ​ຄ່າຈີກ​ສັນຍາ. ເພາະສະນັ້ນ, ເຊື່ອວ່າລະດູການຫນ້າ ຄົງຈະມີຫລາຍທີມພາກັນຍາດນັກເຕະຈຳນວນຫລາຍທີມແນ່ນອນ.

ວິນິຊີອຸສ ຈູເນຍ :  127.5 ລ້ານປອນ  

ໃນປັດຈຸບັນທຸກຄົນກໍາລັງເວົ້າເຖິງຜົນງານອັນຮ້ອນແຮງຂອງ ວິນິຊິອຸສ ຈູເນຍ ປີກຈອມຖະຫລົ່ມປະຕູຂອງ ເຣອັນ ມາດຣິດ  ຫຼັງຈາກສ້າງຜົນງານໄດ້ຢ່າງຮ້ອນແຮງໃຫ້ກັບຕົ້ນສັງກັດ ໂດຍຍິງໄດ້ 12 ປະຕູໃນ 21 ເກມໃນທຸກການແຂ່ງຂັນ ແລະ ດ້ວຍອາຍຸພຽງແຕ່ 21 ປີ, ລາວຍັງມີໂອກາດທີ່ຈະຜະລິດຜົນງານດີມີຄຸນນະພາບດີອອກມາໃຫ້ເຫັນເລື້ອຍໆຢ່າງແນ່ນອນ.

ຟິລ ໂຟເດນ : 127.5 ລ້ານປອນ

ບັນດາແຟນບານຂອງ ພຣີເມຍລີກ ອັງກິດ ຄົງຈະເຫັນແລ້ວວ່າ ຟິລ ໂຟເດນ ຢູ່ໃນຜົນງານທີ່ດີສຳ່ໃດຈາກການຫລິ້ນໃຫ້ ແມນເຊັສເຕີ ຊິຕີ, ປັດຈຸບັນນັກເຕະອາຍຸພຽງ 21 ປີເທົ່ານັ້ນ ແລະ ແນ່ນອນວ່າລາວຈະກ້າວຂຶ້ນມາເປັນຕົວຫຼັກ ແມນຊິຕີ, ກັບທີມຊາດອັງກິດໃນໄລຍະສິບປີຂ້າງຫນ້າ.

ເປດຣີ : 119 ລ້ານປອນ  

ບາເຊໂລນາອາດຈະບໍ່ຢູ່ໄລຍະຜົນງານເກ່ັງທີ່ສຸດຕະຫລອດຫລາຍປີທີ່ຜ່ານມາ ແຕ່ພວກເຂົາມີໂອກາດເຊັນສັນຍາກັບ ເປດຣີ ມາຈາກ ລາສ ພັລມາສ  ດ້ວຍຄ່າໂຕພຽງແຕ່ 5 ລ້ານປອນໃນປີ 2020 ແລະ ໃນປັດຈຸບັນນັກເຕະໄດ້ສ້າງຜົນງານຄຸ້ມຄ່າເຫລືອເກີນ ສໍາລັບໃນປັດຈຸບັນ ນັກເຕະມີອາຍຸພຽງແຕ່ 19 ປີເທົ່ານັ້ນ ແລະ ໄດ້ກາຍເປັນນັກເຕະໂຕສຳຄັນຂອງບາເຊໂລນາ ແລະ ທີມຊາດສະເປນ. ໃນປັດຈຸບັນເຂົາຈະເປັນນັກເຕະຄູ່ບຸນຂອງ ຊາບີ ເອີນານເດສ ຜູ້ຈັດການໃຫມ່ແກະກ່ອງອີກເດ້ວຍ.

ເມສັນ ກຣີນວູດ :  119 ລ້ານປອນ

ເມສັນ ກຣິນວູດ  ໄດ້ກາຍມາເປັນຕົວສໍາຄັນຂອງ ແມນເຊສເຕີ ຢູໄນເຕັດ ແລະຜົນງານການຫລິ້ນທີ່ດີທີ່ສຸດຂອງລາວຍັງບໍ່ໄດ້ສະແດງອອກມາໃຫ້ເຫັນຢ່າງເຕັມທີ່ປານໃດ  ​ປັດ​ຈຸ​ບັນ, ລາວ​ມີ​ອາ​ຍຸພຽງ 20 ປີ​ໃນ​ເດືອນ​ຕຸ​ລາ​ຜ່ານ​ມາ. ແຕ່ລາວຍິງໄປແລ້ວ 33 ປະຕູໃຫ້ກັບສະໂມສອນ ຈາກການລົງຫລິ້ນໃນ 120 ເກມ  ທຸກລາຍການ. ສ່ວນທີມຊາດກໍມີໂອກາດຕິດທີມຊຸດໃຫຍ່ອັງກິດເຊ່ັນດຽວກັນ.

ຟລໍຣຽນ ເວີດ : 119 ລ້ານປອນ

ຟລໍຣຽນ ເວີດ ກອງກາງຕົວບຸກຈາກສະໂມສອນໄບເອີ ເລເວີຄູເຊັນ ມີລະດູການທີ່ໂດດເດັ່ນຫລາຍກັບສະໂມສອນ ດ້ວຍການຍິງໄປແລ້ວ 8 ປະຕູ ແລະ ຈ່າຍໃຫ້ຫມູ່ຍິງ 11 ປະຕູ, ທັງທີມີອາຍຸພຽງແຕ່ 18 ປີເທົ່ານັ້ນ, ທີ່ສຳຄັນລາວຍັງເປັນຫນຶ່ງໃນນັກເຕະທີມຊາດເຢຍລະມັນ ຍຸກຂອງ ຮານຊີ ຟລິກ ນຳອີກ ແລະ ຜົນງານອັນໂດດເດ່ັນເຮັດໃຫ້ລາວໄດ້ຮັບຄວາມສົນໃຈຈາກສະໂມສອນໃຫຍ່ໃນເອີຣົບຫລາຍທີມ.

ຈາດອນ ຊານໂຊ :  110.5 ລ້ານປອນ

ຈາດອນ ຊານໂຊ ປະສົບຄວາມສຳເລັດຢ່າງຫລາຍໃນຖານະນັກເຕະທັງທີ່ອາຍຸພຽງ 21 ປີເທົ່ານັ້ນ, ຫຼັງຈາກລົງຫຼິ້ນໄປແລ້ວ 137 ນັດ ແລະ ຍິງໄດ້ 50 ປະຕູໃຫ້ກັບ ໂບຣຸສເຊຍ ດອດມຸນ ເຮັດໃຫ້ດາວຍິງທີມຊາດອັງກິດ ໄດ້ຍ້າຍໄປຫຼິ້ນກັບ ແມນເຊສເຕີ ຢູໄນເຕັດ ດ້ວຍຄ່າຕົວສູງເຖິງ 73 ລ້ານປອນ ເມື່ອລະດູການທີ່ຜ່ານມາ ແລະ ກຽມເປັນນັກເຕະຫລັກ​ໃນ​ຍຸກ​ຂອງ ​ລາ​ຟ ຣັງ​ນິກ.

ອັລຟອນໂຊ ເດວິດ : 102 ລ້ານປອນ.

ກອງຫຼັງທີມຊາດການາດາ ຖື​ວ່າ​ເປັນ​ນັກ​ເຕະ​ດາວຮຸ່ງທີ່​ມີ​ອາ​ຍຸ​ພຽງ​ແຕ່ 21 ປີ​ ທີ່​ປະສົບ​ຜົນ​ສໍາ​ເລັດ​ສູງ​ທີ່​ສຸດ​. ໂດຍຄວ້າແຊ໊ມ ບຸນເດສລີກາ ເຢຍລະມັນ 3 ສະໄໝ, ເດເອຟເບ ໂບຄາລ 2 ສະໄໝ ແລະ ຢູຟາ ແຊມປ໊ຽນລີກ 1 ສະໄຫມ ກັບ ບາເຢິນ ມິວນິກ ປັດຈຸບັນລາວຕິດທີມຊາດບ້ານເກີນໄປແລ້ວ 30 ນັດ ແລະ ພາການາດາ ໄດ້ໂຄຕ້າໄປຫລິ້ນເຕະບານໂລກ 2022 ຮອບສຸດທ້າຍທີ່ປະເທດກາຕາແນ່​ນອນແລ້ວ.

ຈູດ ເບລລິງແຮມ : 102 ລ້ານປອນ

ຈູດ ເບລລິງແຮມ ມີຜົນງານອັນດີເລີດ ນັບຕັ້ງແຕ່ຍ້າຍມາຈາກ ເບີມິງແຮມ ຊິຕີ້ ໄປຫລິ້ນກັບ ໂບຣຸສເຊຍ ດອດມຸນ ແລະ ຕອນນີ້ກາຍເປັນຕົວຫຼັກຂອງທີມ. ແລະ ເປັນນັກເຕະໂຕສຳຄັນຂອງທີມ “ເສືອເຫຼືອງ”  ດາວເຕະຊາວອັງກິດອາຍຸພຽງແຕ່ 18 ປີເທົ່ານັ້ນ, ແຕ່ຜົນງານໂດດເດ່ັນຫລາຍ ແລະ ຄາດວ່າເມື່ອນັກເຕະມີປະສົບການຫຼາຍຂຶ້ນ, ຜົນງານກໍຈະດີຍິ່ງຂຶ້ນກວ່ານີ້ຫລາຍເທົ່າ. ສິ່ງທີ່ສໍາຄັນລາວເປັນດາວຮຸ່ງທີ່ ແກເຣັດ ເຊົາເກດ ຜູ້ຈັດການທີມຊາດອັງກິດ. ພ້ອມພາທີມຊາດໄປລຸຍບານໂລກປີຫນ້າຢ່າງແນ່ນອນ.

ເຟີຣານ ຕໍເຣສ : 102 ລ້ານປອນ

ບໍ່ຢາກເຊື່ອວ່າ ເຟີຣານ ຕໍເຣສ ດາວຍິງ “ເຮືອໃບສີຟ້າ” ແມນເຊສເຕີ ຊິຕີ ອາຍຸພຽງ 21 ປີເທົ່ານັ້ນ ນັກເຕະຊາວສະເປນ. ເລີ່ມຕົ້ນລະດູການດ້ວຍຜົນງານອັນຮ້ອນແຮງ ກ່ອນ​ຈະ​ຖືກ​ບາດ​ເຈັບ, ໄລຍະຜ່ານມາ ບາເຊໂລນາ ເຄີຍຕົກເປັນຂ່າວວ່າຕ້ອງການເຊັນສັນຍາກັນັກເຕະ ແຕ່ ເປບ ກວາດິໂອລາ ບໍ່ຢາກເສຍຂອງດີໄປແນ່ນອນ.