ແຟນບານ ຫວຽດນາມ ຍ້ອງຍໍຜົນງານທີມຊາດ ຫລິ້ນແບບນີ້ ແຊ໊ມແນ່ອນ

ແຟນບານຫວຽດນາມ ໄດ້ພາກັນອອກມາຍ້ອງຍໍທີມຮັກເກັບໄຊຊະນະຕັ້ງແຕ່ເກມທຳອິດ ເຊື່ອຫມັ້ນນັກເຕະຈະປ້ອງກັນແຊ໊ມຊູຊຸກິ ຄັບ ຄັ້ງນີ້ໄດ້ ຫວັງເຫັນທີມພັດທະນາໃຫ້ແຂງແກ່ນຂຶ້ນກວ່າເກ່ົາໃນເກມຕໍ່ໄປ. ສ່ວນນັກເຕະໄດ້ພັກ 5 ມື້ເຕັມ ກ່ອນລົງສະຫນາມພົບກັບຮອງແຊ໊ມເກ່ົາ ມາເລເຊຍ ວັນອາທິດທີ 12 ທັນວານີ້.

ຈາກຜົນງານການລົງສະຫນາມເກມນັດທຳອິດຂອງທີມຊາດຫວຽດນາມ ໃນການແຂ່ງຂັນ ເອເອັຟເອັຟ ຊູຊຸກິ ຄັບ 2020 ຮອບແບ່ງກຸ່ມ ກຸ່ມ B ດ້ວຍການເອົາຊະນະລາວ 2-0 ເມື່ອວັນຈັນທີ 6 ທັນວາຜ່ານມາ ເກັບໄຊໄດ້ 3 ຄະແນນເຕັມ ສົມລາຄາແຊ໊ມເກ່ົາ.

ຫລ້າສຸດ ແຟນບານຫວຽດນາມຕ່າງອອກມາສະແດງຄວາມຍິນດີກັນທົ່ວຫນ້າໃນໂລກອອນລາຍ ຜ່ານແຟນເພສເຟສບຸກ ຫລັງທີມຊາດຫວຽດນາມປະສົບຄວາມສຳເລັດທີ່ເກັບໄຊຊະນະໄດ້ໃນເກມທຳອິດ ຈາກການຍິງຂອງ ຫງວຽນ ຄອງ ເຟືອງ ດາວຍິງຈາກສະໂມສອນ ຮອງແອງ ຢາລາຍ ແລະປະຕູປິດເກມຈາກ ຟານ ວັນ ດຶກ ກອງກາງອາຍຸ 25 ປີ ຈາກສະໂມສອນ ລຳ ເຫງະ ອານ.

ນອກຈາກນີ້ ບັນດາວເນັດ ຍັງເຊື່ອວ່າທີມຈະພັດທະນາຂຶ້ນກວ່າເກ່ົາໃນເກມຕໍ່ໆໄປ ແລະ ຈຸດຫມາຍປາຍທາງຄືແຊ໊ມ ດ້ວຍສະພາບທີມອ່າວແຂງແກ່ນຫລາຍຂຶ້ນ ຂະນະດຽວກັນຍັງມີຊາວເນັດບາງຄົນໄດ້ສະແດງຄວາມຫມັ້ນໃຈວ່າ ດ້ວຍດີເອັນເອ ການເປັນຣາຊາອາຊຽນຂອງຫວຽດນາມ ຈົງພະຍາຍາມປ້ອງກັນແຊ໊ມອາຊຽນຄັ້ງນີ້ໃຫ້ໄດ້.

ແນວໃດກໍຕາມເຖິງຈະສຽງຍິນດີ ແຕ່ກໍມີແຟນບານບາງສວນບໍ່ຄ່ອຍພໍໃຈ ເນື່ອງຈາກເບິ່ງວ່າການເອົາຊະນະລາວ 2-0 ນັ້ນ ຖືວ່າຍິງປະຕູໄດ້ຫນ້ອຍ ເມື່ອທຽບກັບມາດຕະຖານທີມ ສ່ວນແຟນບານຫວຽດນາມບາງຄົນກໍຍ້ອນຍໍທີມຊາດລາວ ທີ່ສູ້ໄດ້ດີ ແລະ ສ້າງວຽກຍາກໃຫ້ກັບຫວຽດນາມ.