ເປີດເຜີຍສະຖິຕິ ຣັງນິກ ປະທະ ຄລອບ ໃນບຸນເດສລີກາ

ແຟນບານ ແມນເຊສເຕີ ຢູໄນເຕັດ ຄວນຈະຍິ້ມແຍ້ມແຈ່ມໃສ ຫຼັງຈາກທີ່ສະໂມສອນແຕ່ງຕັ້ງ ຣາຟ ຣັງນິກ ເປັນຜູ້ຈັດການທີມຄົນໃໝ່ ແລະ ໄດ້ມີເປີດເຜີຍສະຖິຕິການວັດສີມືກັນຂອງລາວ ກັບ ເຈີເກັນ ຄລ໊ອບ ຜູ້ຈັດການທີມຂອງ ລີເວີພູລ ອອກມາເປັນທີ່ຮຽບຮ້ອຍແລ້ວ.

ແມນຢູ ໄດ້ເຊັນສັນຍາໄລຍະສັ້ນ 6 ເດືອນກັບຜູ້ຈັດການທີມປະສົບການຫລາຍຂອງເຍຍລະມັນ, ເຖິງວ່າລາວຈະຕ້ອງລໍຖ້າໃບອະນຸຍາດເຮັດວຽກ ແລະ ການເລີ່ມຕົ້ນຄຸມທີມລົງຫລິ້ນເກມ ພຣີເມຍລີກ ກັບອາເຊນອລໃນວັນພະຫັດນີ້ບໍ່ໄດ້ ໂດຍ ໄມເຄິລ ຄາຣິກ ຈະໄດ້ເຮັດຫນ້າທີ່ຕໍ່ອີກ 1 ເກມ. ແຕ່ຈາກການເປີດເຜີຍສະຖິຕິການປະທະກັນລະຫວ່າງ ຣັງນິກ ກັບ ຄລອບ ຜູ້ຈັດການທີມຊາວເຢຍລະມັນຄືກັນ ໃຫ້ເຫລ່ົາແຟນບານ ແມນຢູ ໄດ້ພາກັນພໍມີຫວັງ.

ຈາກ​ການ​ຂຸດ​ຄົ້ນ​ສະຖິຕິ​ປາກົດ​ວ່າ ຣັງ​ນິກ ເຄີຍຄຸມທີມສູ້ກັບ ຄລອບ ທັງໝົດ 13 ນັດ ​ແລະ  ຄລອບ ຂອງ ລີເວີພູລ ສາມາດຄວ້າໄຊໄດ້ພຽງ 2 ຄັ້ງ​ເທົ່າ​ນັ້ນ, ​ຈຶ່ງ​ຖື​ວ່າ ຣັງນິກ ມີ​ຜົນງານ​ທີ່ເຫນືອ​ກວ່າ​ແບບທຽບກັນບໍ່ໄດ້ເລີຍ.

ໃນຈໍານວນ 13 ຄັ້ງທີ່ທັງສອງຝ່າຍໄດ້ຕໍ່ສູ້ກັນນັບຕັ້ງແຕ່ ຣັງນິກ ເປັນຜູ້ຈັດການຂອງ ຮັນໂນເວີ, ຊາລເກ ແລະ ຮອບເຟັນໄຮ ເຊິ່ງລາວເສຍໃຫ້ກັບ ຄລອບ ພຽງສອງຄັ້ງ ໂດຍຄັ້ງທຳອິດເກີດຂຶ້ນໃນປີ 2005 ເຊິ່ງ ຄລອບ ເປັນຈັດການທີມ ໄມ ແລະ ຄັ້ງທີສອງ ຄລອບ ຮັບຫນ້າທີ່ຄຸມ ໂບຣຸສເຊຍ ດອດມຸນ ພາທີພິຊິດ ຮອບເຟັນໄຮ ຂອງ ຣັງນິກ ໄດ້ດ້ວຍປະຕູ 2-1 ໃນປີ 2009.