ເມສຊີ ຄວ້າລາງວັນບານຄຳ ບັນລົງດໍ 2021 ຢ່າງຍິ່ງໃຫຍ່
ສອດຄ່ອງກັບສິ່ງທີ່ສື່ຫຼາຍສຳນັກຄາດຄະເນວ່າຜົນງານໃນປີນີ້ສາມາດພາສະໂມສອນ ບາເຊໂລນາ ອະດີດຕົ້ນສັງກັດເກ່ົາ ຄວ້າແຊັມ ໂຄປາ ເດລ ເຣ 2021 ແລະ ຮັບໜ້າທີ່ເປັນຫົວຫນ້າທີມຂອງ ອາເຈນຕິນາ ຄວ້າແຊ້ມ ໂຄປາ ອາເມຣິກາ ໃນປີ 2021.
ເຊິ່ງການຄວ້າລາງວັນອັນຊົງກຽດໃນຄັ້ງນີ້ເຮັດໃຫ້ດາວເຕະອາຍຸ 34 ປີ ສາມາດຄວ້າໄດ້ລາງວັນ ບານຄຳ ເປັນສະໄຫມທີ 7 ເຊິ່ງຖືວ່າເປັນຫຼາຍທີ່ສຸດໃນປະຫວັດສາດບານເຕະທີ່ນັກເຕະຄົນໜຶ່ງເຄີຍເຮັດມາ.
ຂະນະທີ່ ໂລເບີດ ເລວານດອບສະກີ ກອງໜ້າທີມຊາດໂປແລນ ທີ່ຍິງປະຕູໃຫ້ ບາເຢິນ ມິວນິກ ແບບຖະຫລົ່ມຖະທາຍ ໄດ້ພຽງອັນດັບ 2 ແລະ ກອງກາງທີມຊາດອີຕາລີ ແລະ ເຊລຊີ ຢູ່ອັນດັບ 3 ເຖິງວ່າຈະຄວ້າແຊ໊ມ ຢູຟາ ແຊ໊ມປຽນລີກ ແລະ ຢູໂຣ 2020 ກໍຕາມ.
“ເປັນສິ່ງທີ່ຫນ້າເຫລືອເຊື່ອຫລາຍທີ່ໄດ້ມາຢູ່ບ່ອນນີ້ອີກ, ສອງປີກ່ອນ, ຂ້າພະເຈົ້າຄິດວ່າ ມັນອາດຈະເປັນຄັ້ງສຸດທ້າຍ. ແຕ່ຄວ້າແຊ໊ມ ໂກປາ ອາເມລິກາ ຖືເປັນກຸນແຈສຳຄັນ.”
“ມັນເປັນປີທີ່ພິເສດສຳລັບຂ້າພະເຈົ້າທີ່ໄດ້ແຊ໊ມ ໂກປາ ອາເມລິກາ ມັນມີຄວາມໝາຍຫລາຍທີ່ຊະນະບຣາຊິນໄດ້ເຖິງສະຫນາມກິລາ ມາຮາຄານາ ແລະຂ້າພະເຈົ້າດີໃຈຫຼາຍທີ່ຈະສະເຫຼີມສະຫຼອງກັບຊາວອາເຈນຕິນາ.”
“ຂ້ອຍບໍ່ຮູ້ວ່າມັນເປັນປີທີ່ດີທີ່ສຸດຂອງອາຊີບຂອງຂ້ອຍຫຼືບໍ່. ຂ້ອຍມີອາຊີບບານເຕະທີ່ຍາວນານ. ແຕ່ວ່າມັນເປັນປີພິເສດຫຼັງຈາກຊະນະແຊ໊ມກັບອາເຈນຕິນາ. ຫຼັງຈາກທີ່ຜ່ານໄລຍະເວລາທີ່ຫຍຸ້ງຍາກ ແລະຖືກວິພາກວິຈານ,” ເມສຊີ ກ່າວ.
ສະຖິຕິ Ballon d’Or ປີ 2021
- ລີໂອເນວ ເມສຊີ
- ໂຣເບີດ ເລວານດອບສະກີ
- ຈໍຈິນໂຢ
- ຄາຣິມ ເບນເຊມາ
- ເອັນໂກໂລ ກ໊ອງເຕ
- ຄຣິສຕຽນໂນ ໂຣນັລໂດ
- ໂມຮາເໝັດ ຊາລາ
- ເຄວິນ ເດີ ບຣອຍ
- ຄີລີຢານ ເອັມບັບເປ
- ຈານລຸຍຈິ ດອນນາຣຸມມາ
- ເອີລິງ ຮາແລນ
- ໂຣເມລູ ລູກາກູ
- ຈໍໂຈ ຄິເອລລີນີ
- ລີໂອນາໂດ ໂບນຸສຊີ
- ຣາຮິມ ສະເຕີລິງ
- ເນມາ
- ຫລຸຍ ຊົວເຣສ
- ຊີມົງ ເຄຍ
- ເມສັນ ເມົາ
- ຣີຢາດ ມາເຣສ
- ເລົາຕາໂຣ ມາຕີເນສ
- ບຣູໂນ ເຟີນານເດສ
- ແຮຣີ ເຄນ
- ເປດຣີ
- ຟິລ ໂຟເດນ
- ເຄຣາດ ໂມເຣໂນ
- ນິໂຄໂລ ບາເຣລລາ
- ຣູເບນ ດີອາສ
- ລູກາ ໂມດຣິດ
- ເຊຊາ ອັດປີລີກວຍຕ້າ.
