ຊາລາ ຄວ້າລາງວັນນັກເຕະດີເດັ່ນຂອງລີເວີພູລ 3 ເດືອນຕິດຕໍ່ກັນ
November 25, 2021 - 7:32 PM
ໂມຮາເຫມັດ ຊາລາ ຄວ້າລາງວັນນັກເຕະດີເດ່ັນຂອງລີເວີພູລປະຈຳເດືອນຕຸລາ ພ້ອມທັງເປັນເດືອນທີ 3 ຕິດຕໍ່ກັນຂອງລາວນຳອີກ.
ການເຄື່ອນໄຫວຂອງທີມ ລິເວີພູລ ທີມດັງຂອງພຣີເມຍລີກອັງກິດ, ລາງວັນນັກເຕະດີເດັ່ນປະຈຳເດືອນ ຕຸລາ ພາຍໃຕ້ການສະຫນັບສະຫນູນຂອງ ສະແຕນດາສ ຊາດເຕີ (Standard Chartered ) ຈາກການໃຫ້ຄະແນນສຽງຂອງແຟນບານຜ່ານເວັບໄຊ Liverpoolfc.com
ຜົນປາກົດວ່າ ໂມຮາເໝັດ ຊາລາ ກອງໜ້າຊາວເອຢິບ. ທີ່ສາມາດຄວ້າລາງວັນນັກເຕະດີເດ່ັນປະຈຳເດືອນຕຸລາ ຂອງລີເວີພູລ ພ້ອມເປັນເດືອນທີ 3 ຕິດຕໍ່ກັນຂອງລາວ ໂດຍເອົາຊະນະ ອາລິສສັນ ເບເກີ ແລະ ນາບີ ເຄອີຕາ ອັນດັບ 2 ແລະ 3 ຕາມລໍາດັບ
ຫຼັງຈາກຮັບເອົາລາງວັນທີ່ແອັກຊ່າ ເທຣນນິງ ເຊນເຕີ ໂມຮາເຫມັດ ຊາລາ ກ່າວວ່າ: “ຂ້ອຍດີໃຈຫຼາຍກັບຜົນການແຂ່ງຂັນຫລ້າສຸດ. ຕາບໃດທີ່ທີມຍັງເກັບໄຊຊະນະ ແລະ ເກັບສາມຄະແນນໄດ້ ຂ້ອຍມີຄວາມສຸກສະເໝີທີ່ຈະຊ່ວຍທີມ.”
